1 SAMUELI 13:7 - Biblia Ilagho Jiboie Kwa Wandu Wose

⁷ Waisraeli wamu wikaruwuka Jordani cha isanga ja Gadi na Gileadi, ela Sauli orekoghe ukikaia Gilgali. Wandu wose wikamnugha wikisughusika.

1 SAMUELI 13:7 ပူးပေါင်းရင်းမြစ်များ

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WUKUMBUSO 20:8

“Sena wabaa wichawizera wandu, ‘Kawona mndungi uko aha wangilwa ni kiture na kufwa ngolo, ndewuye nyumbenyi kwake, usechebwagha wambao ngolo.’

WUKUMBUSO 28:25

“BWANA ucham'bonya msimo ni wamaiza wenyu; mchatumia chiaimweri mkighenda kulwa nawo, na kukimbia imbiri yawo msaghisikie chia rose; nenyo mchashinua mawuzuri ghose gha ndoenyi.

WUKUMBUSO 3:12

“Ngelo iyo, diendawada ijo isanga, nerewinekieghe kichuku cha Reubeni na cha Gadi isanga noko cha kaskazinyi; kufuma Aroeri na vololo ya Arnoni, na nusu ya Gileadi; ijo isanga ja mghondinyi chiaimweri na mizi yaro.

JOSHUA 13:11

na Gileadi, na isanga ja Wageshuri na Wamaaka, na Mghondi ghwa Hermoni ghose, na Bashani yose hata Saleka;

JOSHUA 13:8

Kichuku cha Reubeni, Gadi, na nusu ya kichuku cha Manase wamerie kupata ifwa jawo ijo Musa mdumiki wa Mlungu orewinekieghe, chia ya mashariki ya Moda ghwa Jordani.

WATANYI 7:3

Kwa huwo ghoria wandu huwu, ‘Uo ose uko na wowa, wawuyasughusika, ndewuye cha muzinyi.’” Nao Gideoni ukawitima, na wandu elfu mirongo iwi na iwi wikawuya cha mzinyi, wikasigharika wandu elfu ikumi.

1 SAMUELI 13:8

Nao Sauli ukaweseria kwa matuku mfungade agho gherelaghiriloghe ni Samueli, ela Samueli nderechieghe shwa shwa; kwa huwo wandu wikazoya kusasarika na kumsigha Sauli.

1 SAMUELI 17:11

Sauli na majeshi gha Israeli ghose wiendasikira huwo, wikafwa ngolo na kuobua nandighi.

1 SAMUELI 31:7

Waisraeli awo werekoghe kimonu cha vololo ya Jezreeli na awo wamu wa kimonu cha Jordani wiendasikira kukaia Waisraeli wakimbia, na Sauli na wana wake wafwa, wikaisigha mizi yawo na kukimbia. Wafilisti wikacha wikaingia, wikakaia aho.