1 SAMUELI 13:6 - Biblia Ilagho Jiboie Kwa Wandu Wose

⁶ Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.

1 SAMUELI 13:6 ပူးပေါင်းရင်းမြစ်များ

2 SAMUELI 24:14

Nao Daudi ukamzera Gadi, “Nakaia na wasi m'baa; ni baa ningie mikonunyi kwa BWANA, angu uo uko na wughoma m'baa ela nisengie mikonunyi kwa mdamu.”

ISAYA 42:22

Ela awa ni wandu wiwadilo, wikaiwa, na kufungilwa mirumenyi wose; wangirilo jela, hata ndekuwadie ungi owivuvua, hata oghora Wiwunjenyi!

JEREMIA 41:9

Idana kisima Ishmaeli orekumbieghe iyo mimbi ya wandu orewibwaghieghe, cherekoghe kibaa, nacho ni icho cherekoteroghe ni Mzuri Asa kwa wundu ghokulindia na Baasha mzuri wa Israeli, na Ishmaeli mwana wa Nethania ukachichura iro gharia.

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

WAFILIPI 1:23

Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

WAEBRANIA 11:38

Ni wandu wurumwengu ghuserefwaneghe kukaia nawo anduangi; wadamara-mara kireti, na mighondinyi; wadalala mbangenyi, na mirumenyi ya ndoenyi.

JOSHUA 8:20

Wandu wa Ai wiendazighana na nyuma, wikawona ikungughu ja mosi jikijoka kufuma mzinyi, nawo wikasirilwa ni ndighi reghenda imbiri angu kuwuya nokonyuma, kwa kukaia wandu awo werekoghe wikikimbia cha kireti werewighalukieghe na kuwiwingisa.

WATANYI 10:9

Wokoni Waamoni wikaruwuka Jordani wipate kulwa na mbari ya Juda, na Benjamini, na Efraimu; Waisraeli wikakaia na wasi loli-loli.

WATANYI 20:41

Niko wandu wa Israeli wikawighalukia, na Wabenjamini wikafwa ngolo; kwa kukaia werewonieghe angu wachelwa ni mashaka.

WATANYI 6:2

Wamidiani wikakaia na ndighi aighu ya Waisraeli, hata Waisraeli wikakubonyera weni vizimba vekaia mighondinyi, na mbangenyi, na ngome rekuvisa.

1 SAMUELI 13:15

Niko Samueli ukawuka na kufuma Gilgali, ukaghenda cha Gibea, isanga ja Benjamini. Na Sauli ukawitala wandu orekwanyeghe nawo ukawiwona kukaia wandu maghana arandadu.

1 SAMUELI 14:11

Niko wose wawi wikakuwonyera weni aja ngomenyi kwa Wafilisti, na Wafilisti wikaghamba, “Wonenyi Waebrania waawuyafuma mirumenyi, andu wikuvisireghe.”

1 SAMUELI 14:22

Na wokoni wandu wose wa Israeli werekuvisireghe mighondinyi ya Efraimu wiendasikira kukaia Wafilisti waawuyakimbia, wikafuma na kungia wudenyi ghowiwinga Wafilisti.

1 SAMUELI 23:19

Nao wandu wamu wa Zifu wikajoka hata Gibea kwa Sauli wikaghamba, “Ola Daudi waawuyakuvisa aghadi kodu aja ngomenyi mghondinyi ghwa Hakila, isanga ja Horeshi cha kusinyi ya Jeshimoni.

1 SAMUELI 24:3

Ukacha ukakua maranu gha ng'ondi chienyi andu korekoghe na mbanga, Sauli ukangia ukutesie. Daudi na wandu wake werekoghe wangia kondenyi ya iyo mbanga, na kusea kidombo.

1 SAMUELI 31:7

Waisraeli awo werekoghe kimonu cha vololo ya Jezreeli na awo wamu wa kimonu cha Jordani wiendasikira kukaia Waisraeli wakimbia, na Sauli na wana wake wafwa, wikaisigha mizi yawo na kukimbia. Wafilisti wikacha wikaingia, wikakaia aho.

1 SAMUELI 7:7

Wafilisti wiendasikira kukaia wandu wa Israeli wakwanyika aja Mispa, waja wabaa wawo wikawijokia Waisraeli wipate kulwa nawo. Hata iji Waisraeli wasikira, wikawiobua Wafilisti;