1 SAMUELI 13:2 - Biblia Ilagho Jiboie Kwa Wandu Wose

² Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 13:2 ပူးပေါင်းရင်းမြစ်များ

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 21:6

deekunda dineko wana wake mfungade dipate kuwinyonyoresha mudinyi aha Gibea ya Sauli mghondinyi kwa BWANA.” Mzuri ukaghamba, “Nimneka.”

2 SAMUELI 23:29

Helebu mwana wa Baana ufumie Netofa, Itai mwana wa Ribai ufumie Gibea ya Wabenjamini;

EZRA 2:27

Mikmashi wandu ighana na mirongo iwi na wawi.

NEHEMIA 11:31

Wandu wa kichuku cha Benjamini werekaieghe Geba Mikmashi, na Ai, na Betheli na mizi mitini iko kaavui.

JOSHUA 18:28

Zela, Haelefu, Jebusi (angu Jerusalemu) Gibea na Kiriath-jearimu: mizi ikumi na ina, chiaimweri na mizi yaro mitini. Iji nijo ifwa ja kichuku cha Benjamini kunughana na nyumba rawo.

JOSHUA 22:6

Niko Joshua ukawirasimia, ukawisigha wighale cha mizinyi kwawo.

WATANYI 19:12

Bwana wake ukamzera, “Ndedidimagha kungialala kwa muzi ghwa wandu wa kighenyi wiseko Waisraeli ela dichaghenda imbiri hata Gibea.”

1 SAMUELI 10:26

Wokoni Sauli ukaghala cha mzinyi kwake aja Gibea, ukaghendanya na wandu wiko mang'oni, awo Mlungu oreadadireghe ngolo rawo.

1 SAMUELI 10:5

Konyuma kuchacha na kuvika Gibeathelohimu, andu kuko na ngome ya masikari gha Wafilisti; hata iji kwakangia mzinyi kuchakwana na walodi wamu wafuma mghondinyi andu kotasira wikikaba kinubi, na kayamba, na msherembe na zeze, wikifunya wulodi.

1 SAMUELI 13:1

Sauli orekoghe na miaka mirongo idadu ingelo orezoyagha kubonya nguma, ukawibonyera Waisraeli nguma kwa miaka mirongo ina.

1 SAMUELI 13:11

Samueli ukamzera, “Kwabonya wada?” Sauli ukatumbulia, “Niendawona wandu wazoya kusasarika na kunisigha, na ii chia nako oho ndekuchee andenyi ya agho matuku korelaghirieghe, sena na Wafilisti wakwanyika Mikmashi,

1 SAMUELI 13:15

Niko Samueli ukawuka na kufuma Gilgali, ukaghenda cha Gibea, isanga ja Benjamini. Na Sauli ukawitala wandu orekwanyeghe nawo ukawiwona kukaia wandu maghana arandadu.

1 SAMUELI 13:16

Nao Sauli na mwana wake Jonathani chiaimweri na awo wandu orekwanyeghe nawo, wikakaia Geba, isanga ja Benjamini; ela Wafilisti wikabonya kambi yawo aja Mikmashi.

1 SAMUELI 13:23

Wafilisti wikafuma ngomenyi kwawo kwendalindia mwanya ghwa Mikmashi.

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

1 SAMUELI 14:31

Ituku jija wikawikaba Wafilisti kufuma Mikmashi hata Aijaloni. Na wandu werekoghe wasilwa nandighi;

1 SAMUELI 14:5

Mchombololo ghumu ghorewukieghe chia ya kaskazinyi naimbiri ya Mikmashi, na ghumu chia ya kusinyi naimbiri ya Geba.

1 SAMUELI 14:52

Sauli orekoghe ukilwa na Wafilisti irangi jake jose, na kula ngelo, iji oremmbonieghe mndungi uko ing'oni jiwadie ndighi, orekoghe ukimsaghua na kum'bonya ukaie asikari wake.

1 SAMUELI 15:34

Nao Samueli ukaghala cha Rama, na Sauli ukaghala cha nyumbenyi kwake aja Gibea.

1 SAMUELI 24:3

Ukacha ukakua maranu gha ng'ondi chienyi andu korekoghe na mbanga, Sauli ukangia ukutesie. Daudi na wandu wake werekoghe wangia kondenyi ya iyo mbanga, na kusea kidombo.

1 SAMUELI 26:2

Sauli ukawuka na kusea cha kireti cha Zifu, ukwanye na masikari ghisaghulo gha Waisraeli, wandu elfu idadu, wipate kumlola Daudi aho kireti cha Zifu.

1 SAMUELI 8:11

Ukawizera, “Malagho gha uo mzuri uchaam'bonyera nguma ghichakaia huwu: Uchawada wana wenyu wa womi na kuwibonya masikari wenighenjesha magare ghake, na farasi rake, na wamu weghenda na maghu imbiri ya magare ghake.