1 SAMUELI 12:9 - Biblia Ilagho Jiboie Kwa Wandu Wose

⁹ Ela wikamliwa BWANA Mlungu wawo, nao ukawifunya wikabo na kusimwa ni Sisera, m'baa wa majeshi gha Jabini mzuri wa Hazori; na Wafilisti, na mzuri wa Moabu.

1 SAMUELI 12:9 ပူးပေါင်းရင်းမြစ်များ

2 SAMUELI 7:11

seji wawuyawikoronga kufuma ngelo ija nerewikieghe watanyi aighu yawo; nani nichakuneka wuhoreshi aghadi ya wamaiza wako wose. Aighu ya agho, BWANA waghora kukaia uchaimangisha nyumba yako.

ZABURI 106:21

Weremliwieghe Mlungu uo orewikirieghe Misri, kwa mabonyo ghake gha ndighi.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

JEREMIA 2:32

Wele mwai wadima kuliwa mapambo ghake gha lulu angu mwai ulowolwagha nguwo yake ya arusi? Ela wandu wapo waniliwie kwa matuku ghisetalikagha.

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

WATANYI 10:7

BWANA ukajokwa ni machu aighu ya Israeli ukawisigha wingie mikonunyi kwa Wafilisti na kwa Waamoni.

WATANYI 13:1

Wandu wa Israeli wikam'bonyera BWANA kaung'a sena na BWANA ukawifunya mikonunyi kwa Wafilisti kwa miaka mirongo ina.

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 3:12

Wandu wa Israeli wikam'bonyera Mlungu kaung'a sena; na kwa wundu ugho, BWANA ukam'bonya mzuri Egloni wa Moabu ukaie na ndighi kuwichumba awo.

WATANYI 3:31

Nyuma ya Ehudi, ukacha Shamgari mwana wa Anathi. Nao moni orewikirieghe Waisraeli kwa kuwibwagha Wafilisti maghana arandadu kwa zobo elisha ng'ombe. Nao moni wori orewikirieghe Waisraeli.

WATANYI 4:2

BWANA ukawisigha wisimo ni Jabini mzuri wa Kanaani, uo orekoghe ukibonya nguma muzi ghwa Hazori. M'baa wa majeshi ghake orewangwagha Sisera, uo orekoghe ukikaia Haroshethi ya wandu wa mbari zima.

1 SAMUELI 12:15

Ela mkalegha kumsikira BWANA, na kurilegha sharia rake, niko BWANA uchaamlegha inyo chiaimweri na mzuri onyu.