1 SAMUELI 12:5 - Biblia Ilagho Jiboie Kwa Wandu Wose

⁵ Nao Samueli ukawizera, “Mlungu ni shahidi, na uo mshingwa mavuda wake wori ni shahidi idime kukaia ndemmbonie ikosa jingi kwapo.” Nao wikaghamba, “BWANA ni shahidi.”

1 SAMUELI 12:5 ပူးပေါင်းရင်းမြစ်များ

KUZOYA 31:50

Labani ukachuria kughora, “Kukawikoronga wai wapo, angu kukachuria waka wamu wazima, hata ngera mndungi ndekuwonagha, kumbuka angu Mlungu ni shahidi aghadi yapo na oho.”

AYUBU 16:19

Hata idana mshahidi wapo ooka mlungunyi, na uo unidederiagha oko aighu.

AYUBU 42:7

Nao iji BWANA wameria kughora na Ayubu, ukamzera Elifazi Mtemani, “Najokwa ni machu aighu yako na waghenyi wako wawi; kwa kukaia ndemdedie malagho gha loli aighu yapo sa mdumiki wapo Ayubu.

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

KUFUMA 22:4

Iji iyo nyamandu uiiwie yakulwa kwake iko moyo, ngera ni ng'ombe, punda angu ng'ondi, uchalipa mando awi.

JOHANE 18:38

Pilato ukamkotia, “Niki chiwangwagha loli?” Pilato uendaghora agho, ukawifumia Wayahudi sena ukawizera, “Ini siwonagha ikosa jingi kwake anduangi.

MABONYO GHA WADUMI 23:9

Niko nganyi mbaa ikawuka, na walimu wamu wa Sharia wa Mafarisayo wikawuka na kudeda, “Ndediwuewona ikosa jingi kwa uhu mundu, ikakaia roho angu malaika oodedanya nao ni wada?”

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

MABONYO GHA WADUMI 24:20

Angu awa wandu weni ndewighore wuwiwi winiwonie nagho ngelo nerekoghe kimusi imbiri ya mwandu;

1 WAKORINTHO 4:4

Ini siichi ngera neko na ilagho jawuyanishitakia, ela ijo sijo jingi jiwonyeragha wei siwadie ikosa anduangi. Bwana nuo unitanyagha.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

1 SAMUELI 12:4

Nao wikaghamba, “Ndekudisokie kilambo chingi, hata kudikoronga; hata ndekuhongelo ni mndungi anduangi.”

1 SAMUELI 26:9

Ela Daudi ukamzera Abishai, “Kusem'bonye ilagho jingi; kwani nani udimagha kum'bonya kiwiwi mshingwa mavuda wa BWANA uke usewadie makosa?”