1 SAMUELI 12:3 - Biblia Ilagho Jiboie Kwa Wandu Wose

³ Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”

1 SAMUELI 12:3 ပူးပေါင်းရင်းမြစ်များ

2 SAMUELI 22:22

Kwa kukaia nererilindirieghe chia ra BWANA, hata seretaneghe na Mlungu wapo kwa kubonya wuwiwi anduangi.

NEHEMIA 5:11

Vutenyi sile rose morewilawiagha, ikaiagha pesa angu viro angu divei angu mavuda. Wiwunjirenyi mbuwa rawo, na mbuwa rawo ra mizabibu na mizeituni, na nyumba rawo shwa-shwa!”

ZABURI 15:5

Uo wadakopesha kuseko fwaida; hata ndetuwagha umzighirie mundu usewadie ikosa. Mundu ubonyagha maza iri, najingi ndechaanyavurika.

KUFUMA 20:17

“Kusakebonya iriso kwa nyumba ya mmbenyu, kusakebonya iriso kwa muka wa mmbenyu, hata kwa mzumba wake wa womi angu wa waka, hata kwa ng'ombe yake, hata kwa punda wake, hata kwa kilambo chingi chiko cha mmbenyu.”

KUFUMA 22:4

Iji iyo nyamandu uiiwie yakulwa kwake iko moyo, ngera ni ng'ombe, punda angu ng'ondi, uchalipa mando awi.

KUFUMA 23:8

Kuserumirie kuhongwa; angu kuhongwa kwadabwagha meso, mundu usewone agho ghiko gha hachi, upate kulaghasha hachi ya mundu uko mloli.

MAKATANISHO 15:27

Mundu ushamagha kuseko na hachi, wadairedia nyumba yake wasi; uo uzamilwagha ni hongo uchakaia moyo.

WALAWI 6:4

Iji mundu wabonya kaung'a huwo na kuwuya mkosi, uchawunja icho oresokieghe, angu icho orechipatireghe kwa kukoronga, angu icho cherewikiloghe kwake, angu icho cherelagharieghe ima ukachiwona;

WALAWI 6:5

angu kilambo chingi chim'bonyere ukaghema kwa tee; uchavilipa vose sena uchurie mirongo iwi kwa ighana aighu yaro na kumneka mundu waro ngelo efunya kizongona chake kwa wundu ghwa makosa.

MITALO 16:15

Musa ukazamilwa nandighi ukamzera BWANA, “Kuserumirie kizongona chawo. Ini siwusire punda wa mndungi, hata sim'bonyere mndungi wawo ilagho jingi anduangi.”

MATHAYO 22:21

Wikaghamba, “Ni va Kaisari.” Nao ukawizera, “Kwa huwu mnekenyi Kaisari vindo va Kaisari na Mlungu vindo va Mlungu.”

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

MABONYO GHA WADUMI 20:33

Serebonyereghe iriso kwa feza, angu dhahabu, hata marwao gha mndungi anduangi.

2 WAKORINTHO 12:14

Olenyi iji ni indo ja kadadu niko tayari kucha konyu. Nani sichaamlemera kungi, angu siwuelola vindo venyu, ela niamlola inyo; kwa kukaia si wana wiwikiagha wavi wawo mali, ela wavi niwo wiwiwikiagha wana wawo.

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

1 WATHESALONIKE 2:10

Inyo mo mashahidi, na Mlungu wori ni mshahidi, kukaia tabia edu aghadi konyu inyo warumirii erekoghe ielie, ndicha, na isewadie ikosa jingi;

1 WATHESALONIKE 2:5

Angu isi na jingi ndederetumieghe malagho ghesesea-sesea sa iji koni inyo mmanyagha, hata ghefinikira wusu ghungi anduangi; Mlungu nuo mshahidi.

1 PETRO 5:2

Lishenyi chagha cha Mlungu chiko aisi ya wuzighaniri ghonyu. Si kwa kufungishwa ndighi anduangi, ela kwa kukunda; si kwa kulola fwaida isefwane, ela kwa ngolo ielie;

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 12:4

Nao wikaghamba, “Ndekudisokie kilambo chingi, hata kudikoronga; hata ndekuhongelo ni mndungi anduangi.”

1 SAMUELI 12:5

Nao Samueli ukawizera, “Mlungu ni shahidi, na uo mshingwa mavuda wake wori ni shahidi idime kukaia ndemmbonie ikosa jingi kwapo.” Nao wikaghamba, “BWANA ni shahidi.”

1 SAMUELI 2:35

Nani nichawika mkohani mzima uchaakaia mloli kwapo, nao moni uchabonya agho nighikundagha. Nichamneka kinyumba chimange chichaadumika imbiri ya msaghulwa wapo matuku ghose.

1 SAMUELI 24:11

Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

1 SAMUELI 24:6

ukawizera wandu wake, “BWANA unitesie nisem'bonye kiwiwi bwana wapo, uo mshingwa mavuda wa BWANA; hata nisetime kum'bonya ilagho jingi jizamie, angu uo ni mshingwa mavuda wa BWANA.”

1 SAMUELI 24:7

Daudi ukawibonya wandu wake witambukilo ni agho malagho, hata ndeweredimieghe kum'bonya Sauli ilagho jingi anduangi. Sauli ukawuka, ukafuma mbangenyi na kughenda chia rake.

1 SAMUELI 26:11

BWANA ndenitesie, jingi nisem'bonye kiwiwi mshingwa mavuda wa BWANA. Ela idana shoa ijo ifumu jiko chongonyi, na kiriba cha machi, dighende.”

1 SAMUELI 26:9

Ela Daudi ukamzera Abishai, “Kusem'bonye ilagho jingi; kwani nani udimagha kum'bonya kiwiwi mshingwa mavuda wa BWANA uke usewadie makosa?”