1 SAMUELI 12:24 - Biblia Ilagho Jiboie Kwa Wandu Wose

²⁴ Inyo mumuobuo BWANA tu, mumdumikie kwa wuloli, kwa ngolo renyu rose, mkikumbuka agho malagho mabaa BWANA um'bonyere.

1 SAMUELI 12:24 ပူးပေါင်းရင်းမြစ်များ

2 WAZURI 17:39

ela mumtase BWANA Mlungu onyu, nao uchamkira na mikonu ya wamaiza wenyu wose.”

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

ZABURI 119:80

Kunibonye niiwadie memu yako putu, nisechefushwa waya.

KUFUMA 12:13

Bagha niyo ichaakaia alama enyu aighu ya nyumba mchaakaia, hata iji naiwona bagha, nichamuida; na ikabo jingi ndejichaampata jemtotesha ngelo nichaakaia ngijikaba isanga ja Misri.

MAKATANISHO 1:7

Kuobua kwa BWANA niko kuzoya kwaro kumanya; wakelu wadamenya hikima, na mafundisho mecha.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WUKUMBUSO 10:21

Mumkase; uo ni Mlungu onyu; inyo mwawonie kwa meso ghenyu maza mbaa reobosha uribonyere kwa wundu ghonyu.

WUKUMBUSO 29:1

Agha ni malagho gha Ilaghano ja BWANA ijo oremlaghirieghe Musa ubonye na wandu wa Israeli andenyi ya isanga ja Moabu, kula na jija ilaghano orebonyereghe nawo aja Mghondi ghwa Sinai.

WUKUMBUSO 29:2

Nao Musa ukawiwanga wandu wose wa Israeli ukawizera: “Mwamerie kuwona mmbeni maza rose BWANA oreribonyereghe kwa mzuri wa Misri, na kwa wadumiki wake, na kwa isanga jake jose.

WAEBRANIA 12:29

angu Mlungu odu, ni modo ghubirie, ghulunguragha.

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.