1 SAMUELI 12:21 - Biblia Ilagho Jiboie Kwa Wandu Wose

²¹ Mseghaluke mkinugha vilambo va duu visemnekagha fwaida ingi, hata visedimagha kumkira, kwa kukaia vilambo ivo vose ni wuduu.

1 SAMUELI 12:21 ပူးပေါင်းရင်းမြစ်များ

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

ISAYA 41:29

Ola i milungu yose ni ya duu, ndeiwadie kazi ingi; milungu yawo echana ni kazi nduu.”

ISAYA 45:20

BWANA waghamba, “Kwanyikenyi munisoghodere kaavui, inyo masighariko gha iro mbari ra wandu; awo widukagha iyo milimu yawo ya midi, na kulomba milimu isedimagha kukira, ndewiwadie kumanya kungi.

ISAYA 46:7

Waghuduka ugho mlungu maweghenyi kwawo, waghenda na kughukaisha kimusi andu kwaro; nagho ndeghudimagha kuinjika aho. Mndungi ukaghulilia, ndeghutumbuliagha; hata ndeghudimagha kumkira kufuma kwa wasi ghwake.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 10:8

Wose wakaia wakelu wisena akili, wifundishwagha ni milimu ya midi!

JEREMIA 14:22

Eko milungu ingi ya tee ya iro mbari ra wandu idimagha kureda vua? Hata mawingunyi kuekeri ndekudimagha kureda mishushure. Wele si oho kumoni kubonyagha agha ghose, ee BWANA Mlungu odu? Nesi dawika isuwirio jedu kwako.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

JONA 2:8

Awandu witasagha milimu ya duu, wadasigha kukaia waloli kwako.

JONA 2:9

Ela ini nichakufunyira kizongona cha makaso na chawucha, na kufunya malipo gha ilaghiro nerebonyereghe kwako; kukia kwadafuma kwa BWANA.”

HABAKUKI 2:18

Mlimu ghoko na fwaidaki? Ni kilambo chimu tu chibonyero ni mdamu chisedimagha kukughoria ilagho jingi ela tee nduu. Chabonyeragha fundi waro ilaghoki jiboie eri uchirumirie, mlungu ghusedimagha kudeda!

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

1 WAKORINTHO 8:4

Wokoni na kuja vindo vifunyiro kizongona kwa milimu, isi damanya angu “Milimu si kilambo chingi,” na angu Mlungu ungi mzima ndeuko, ela umweri.

WUKUMBUSO 11:16

Mkulindie, ngolo renyu risechekalikia na kughaluka na mbai kuidumikia milungu mizima na kuitasa,

WUKUMBUSO 30:17

Ela mkaghaluka na kuleghasikira, hata mghaluke na kuitasa milungu mizima, na kuidumikia,

WUKUMBUSO 32:21

Waniredie machu kwa wundu ghwa milungu yawo, wanibonyere nikaie na iriso kwa iyo milungu iseko milungu ingi loli. Kwa huwo nichawibonya wiwawo ni ngolo kwa kutumia mbari imu; nichawibonya wiwado ni iriso kwa kutumia mbari ya makelu.