1 SAMUELI 12:20 - Biblia Ilagho Jiboie Kwa Wandu Wose

²⁰ Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.

1 SAMUELI 12:20 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

ZABURI 101:3

Sichaawika kindo chingi chiseelie imbiri kwapo. Nadazamilwa ni mabonyo gha wandu wimsighagha Mlungu; sikunde wungara ghungi nawo.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 40:4

Warasimilwa uo mundu umrumiriagha BWANA, uo useighalukiagha milimu angu kunugha wandu witasagha milungu ya tee.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

KUFUMA 32:30

Nakesho yaro, Musa ukawizera wandu, “Mwabonyere kaung'a mbaa na ndighi. Na idana nichajoka sena kwa BWANA, nipate kumlombia ngera idimika mfuilo wughoma kwa wundu ghwa kaung'a enyu.”

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

HAGAI 2:5

Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

WUKUMBUSO 10:12

“Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

WUKUMBUSO 11:16

Mkulindie, ngolo renyu risechekalikia na kughaluka na mbai kuidumikia milungu mizima na kuitasa,

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

JOSHUA 23:6

Kwa huwu mkaie mmange mkiwadia agha ghose ghiandikilo chuonyi cha Sharia ya Musa kuseko na kuighalukia na mbai;

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”