1 SAMUELI 12:19 - Biblia Ilagho Jiboie Kwa Wandu Wose

¹⁹ Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”

1 SAMUELI 12:19 ပူးပေါင်းရင်းမြစ်များ

KUZOYA 20:7

Idana kummbunje kwa mumi wake, angu uo moni ni mlodi, nao uchakulombia oho kusechefwa, niko kuchakaia moyo. Ela kukalegha kummbunja, manya loli kuchafwa na wandu wako wose.”

AYUBU 37:13

Mlungu wadanyesha vua kuinyoshera ndoe; wadima kuinyesha kwa kukaba wandu, angu kwa kuwonyera lukundo lwake.

AYUBU 42:8

Idana mmbwade njau mfungade na bauru mfungade, mghende kwa mdumiki wapo Ayubu mfunye kizongona chekora kwa wundu ghonyu. Mdumiki wapo Ayubu uchamlombia, nani nichasikira malombi ghake nisechem'bonyera kunughana na wukelu ghonyu; kwa kukaia ndemdedie malagho gha loli aighu yapo sa mdumiki wapo Ayubu.”

KUFUMA 10:17

Namlomba munifue wughoma kaung'a yapo indo iji jeni jimweri tu, munilombie kwa BWANA Mlungu onyu, uniinjire iji ikabo jizamie.”

KUFUMA 32:30

Nakesho yaro, Musa ukawizera wandu, “Mwabonyere kaung'a mbaa na ndighi. Na idana nichajoka sena kwa BWANA, nipate kumlombia ngera idimika mfuilo wughoma kwa wundu ghwa kaung'a enyu.”

KUFUMA 9:28

Mlombenyi BWANA, angu ulu lukuwa na vua ya magho vakata. Nichamlekeria mghende, hata ndemuchaamuka anduangi.”

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JEREMIA 27:18

Ikakaia loli wiko walodi, na ikakaia weko na ilagho ja BWANA, ndewimvoye BWANA wa majeshi ivo vilambo viko andenyi ya Hekalu ya BWANA, na andenyi ya ngome ya mzuri wa Juda, na andenyi ya Jerusalemu visedwalo wunyika cha Babuloni.

JEREMIA 37:3

Mzuri Zedekia ukaduma Jehukali mwana wa Shelamia na mkohani Zefania mwana wa Maaseia wiche kwapo winizere, “Dilombie kwa BWANA Mlungu odu.”

JEREMIA 42:2

wikanizera, “Dakulomba kudibonyere seji dikuzeragha, nao kumlombe BWANA Mlungu wako kwa wundu ghodu, ee kwa wundu ghwa agha masighariko ghose gha wandu (kwa kukaia isi derekoghe wengi deechasigharika watinieri seji kudiwonagha);

MALAKI 1:9

Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo?

MITALO 21:7

Wandu wikacha kwa Musa na kughamba, “Dabonyere kaung'a angu didedie kiwiwi aighu ya BWANA na aighu kwako wori; dilombie kwa BWANA upate kudiinjira iri choka.” Niko Musa ukawilombia wandu.

MABONYO GHA WADUMI 8:24

Simoni ukatumbulia, “Nilombienyi kwa Bwana eri ilagho jingi ja agha mwaghora jisechenipata.”

JAKOBO 5:15

Ilombi ja irumirio jichamkira uo mkongo, na Bwana uchammbusira; na ngera wabonyere kaung'a, uchafuilwa wughoma.

1 JOHANE 5:16

Mndungi ukammbona mruna ukibonya kaung'a iseko ya kifwa, uchalomba, na Mlungu uchamneka irangi uo ubonyere kaung'a iseko ya kifwa. Eko kaung'a ya kifwa; nani sighambagha wei mundu ulombe kwa iyo.

1 SAMUELI 12:13

“Idana wonenyi mzuri onyu uo mumsaghue, uo moremlombieghe; nenyo zighanenyi BWANA wameria kummbika ukaie mzuri aighu yenyu.

1 SAMUELI 12:17

Welee, idime si ngelo ekuwida ngano? Nichamlomba BWANA urede chukuwa na vua, mpate kumanya na kuwona kukaia wuwiwi ghonyu ni m'baa ugho mughubonyere imbiri ya BWANA kwa kulomba mzuri.”

1 SAMUELI 12:20

Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.

1 SAMUELI 7:5

Nao Samueli ukaghamba, “Kwanyenyi Waisraeli wose aho Mispa, nani nichawilombia kwa BWANA.”

1 SAMUELI 7:8

wikamzera Samueli, “Kusesighe kumlilia BWANA Mlungu odu kwa wundu ghodu, eri udikire disekabo ni Wafilisti.”

1 SAMUELI 8:6

Ela ijo ilagho jelomba mzuri jikamzamia Samueli, nao ukamlomba BWANA.