1 SAMUELI 12:17 - Biblia Ilagho Jiboie Kwa Wandu Wose

¹⁷ Welee, idime si ngelo ekuwida ngano? Nichamlomba BWANA urede chukuwa na vua, mpate kumanya na kuwona kukaia wuwiwi ghonyu ni m'baa ugho mughubonyere imbiri ya BWANA kwa kulomba mzuri.”

1 SAMUELI 12:17 ပူးပေါင်းရင်းမြစ်များ

ZABURI 99:6

Musa na Haruni werekoghe wakohani wake, Samueli wori orekoghe umu wa awo weremlombieghe, weremmbangieghe BWANA, nao ukawidika.

KUFUMA 32:30

Nakesho yaro, Musa ukawizera wandu, “Mwabonyere kaung'a mbaa na ndighi. Na idana nichajoka sena kwa BWANA, nipate kumlombia ngera idimika mfuilo wughoma kwa wundu ghwa kaung'a enyu.”

MAKATANISHO 26:1

Seji theluji isefwanagha ngelo ya sumesu, na vua isefwanagha ngelo ekuwida, ni huwo koni na ishima ndejimfwane mkelu.

JEREMIA 15:1

Niko BWANA ukanizera, “Hata ngera Musa na Samueli wadakaia kimusi aho, ngolo yapo ndayadimagha kuwighalukia wandu awa. Wifunye noko nisewiwone!

JOSHUA 10:12

Ituku ijo BWANA orewinekieghe Waisraeli wusimi aighu ya Waamori. Joshua oreghorieghe na BWANA ukaghamba imbiri ya Waisraeli wose, “Iruwa, kumange aighu ya Gibeoni, Mori, kumange aighu ya vololo ya Aijaloni.”

1 SAMUELI 12:13

“Idana wonenyi mzuri onyu uo mumsaghue, uo moremlombieghe; nenyo zighanenyi BWANA wameria kummbika ukaie mzuri aighu yenyu.

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”

1 SAMUELI 2:10

Wamaiza wa BWANA wichadumbulwa vipande vipande, uchawikaba na lukuwa kufuma mlungunyi BWANA uchatanya ndoenyi kose, uchamneka mzuri wake ndighi, na kumchuria ndighi uo msaghulwa wake.”

1 SAMUELI 7:5

Nao Samueli ukaghamba, “Kwanyenyi Waisraeli wose aho Mispa, nani nichawilombia kwa BWANA.”

1 SAMUELI 8:6

Ela ijo ilagho jelomba mzuri jikamzamia Samueli, nao ukamlomba BWANA.

1 SAMUELI 8:7

BWANA ukamtumbulia Samueli, “Wisikire awa wandu, kubonye sa iji koni wakuzera; kwa kukaia ndewikuleghie oho, ela waanilegha ini nisekaie mzuri wawo.