1 SAMUELI 12:11 - Biblia Ilagho Jiboie Kwa Wandu Wose

¹¹ Na BWANA ukawiduma Jerubaali na Baraki, na Jefuta na Samueli wikamkira na wamaiza wenyu kwa kula chia, mkakaia banana.

1 SAMUELI 12:11 ပူးပေါင်းရင်းမြစ်များ

2 WAZURI 13:5

(Kwa huwo BWANA ukawineka Waisraeli mkiri, ukawifunya mikonunyi kwa Wasiria, wikakaia isangenyi kwawo sa iji koni werekoghe.

1 MALAGHO GHA NGELO 7:17

Ulamu ukamva Bedani. Icho ni kivalwa cha Gileadi mwana wa Makiri wawae Manase.

WATANYI 4:6

Ituku jimu ukaduma momu kwa Baraka mwana wa Abinoamu kufuma Kedeshi isanga ja Naftali, ukamzera, “BWANA, uo Mlungu wa Israeli wakulaghira huwu, ‘Ghenda kuwikwanye wandu wako mghondi ghwa Tabori, kuwuse wandu elfu ikumi kufuma kwa mbari ya Naftali na Zebluni.

WATANYI 6:14

BWANA ukamghalukia na kumzera, “Ghenda na ireni ndighi rako iri, kupate kuwivuvua Waisraeli kufuma mikonunyi kwa Wamidiani. Ni ini moni nawuyakuduma.”

WATANYI 6:31

Ela Joashi ukawizera awo wandu wose werekoghe wikisimana nao, “Wele muasimana aighu ya Baali? Angu muamdederia? Uo ose umdederiagha uchabwaghwa kesho. Ikakaia uo ni mlungu, ndekudederie moni angu madhabahu yake yachikanywa.”

WATANYI 6:32

Kwa huwo ituku ijo Gideoni ukawangwa Jerubaali; na kutambua kwaro ni “Baali ndekudederie moni,” angu oreichikanyireghe madhabahu yake.

WATANYI 7:1

Niko Jerubaali (nuo moni Gideoni) na wandu wake wose orekwanyeghe nawo, wikawuka kokio na kubonya kambi mbai na mbai ya Ndoria ya Harodi; Kambi ya Wamidiani erekoghe cha kaskazinyi yawo, kaavui na Mghondi ghwa More, andenyi vololonyi.

WATANYI 8:29

Jerubaali mwana wa Joashi ukaghenda na kukaia andenyi ya nyumba yake cheni.

WATANYI 8:35

hata ndewerewonyereghe wughoma aighu ya nyumba ya Jerubaali (Nuo Gideoni) kwa wundu ghwa wucha ghose orewibonyereghe Waisraeli.

1 SAMUELI 3:20

Na Waisraeli wose kufuma Dani hata Beer-sheba wikamanya kukaia Samueli wamerie kuwikwa ukaie mlodi wa BWANA.

1 SAMUELI 7:13

Kwa huwo Wafilisti wikasimwa ni Waisraeli, hata ndewerewurieghe kungia andenyi ya mano ya Israeli sena. BWANA ukawineka Waisraeli wusimi aighu ya Wafilisti matuku ghose gha Samueli.