1 SAMUELI 10:6 - Biblia Ilagho Jiboie Kwa Wandu Wose

⁶ Ahoeni Roho wa BWANA uchakuchea aighu kwako kwa ndighi mbaa; na oho kuchafunya wulodi chiaimweri nawo na kughaluswa wuzima.

1 SAMUELI 10:6 ပူးပေါင်းရင်းမြစ်များ

MITALO 11:17

Nani nichasea aho nidedanye na oho, na kuwusa ifungu jimu ja roho yako, nijingire kwawo, nawo wichakutesia kuduka msigo ghwa awa wandu, eri kuseghudukeghe kuekeri.

MITALO 11:25

Niko BWANA ukasea andenyi ya iwingu ukaghora na Musa, nao ukawada ifungu ja roho erekoghe na Musa, ukajiwika aighu ya awo waghosi mirongo mfungade; hata iji iyo roho yawiseria, wikafunya wulodi. Ela ndewichebonya huwo sena anduangi.

MITALO 11:26

Ela korekoghe wandu wawi weresigharikieghe kambinyi umu orewangwagha Eldadi na umu Medadi; na iyo roho ikawiseria waandikishwa, ela ndewereghendieghe hemenyi; kwa huwo wikafunyira wulodi ahoeni kambinyi.

MITALO 11:29

Ela Musa ukamzera, “Kwawadwa ni iriso wulalo ghwa ini? Nawonagha nicha ngera Roho wa BWANA wadawiseria wandu wake wose wikaie walodi.”

MATHAYO 7:22

Wengi wichanizera Ituku Jija, ‘Bwana, Bwana, ndederechilieghe kwa irina jako, na kwa irina jako dikawinga pepo na kubonya weke mwakilimbiti wengi?’

WATANYI 14:6

na Roho wa BWANA ukamchea aighu kwake kwa ndighi, ukairashua ija shimba kwa mikonu yake seji mundu urashuagha ndaghina, nao nderewawadieghe kilambo chingi mkonunyi kwake. Ela nderewighorieghe wavi wake agho oreghibonyereghe.

WATANYI 15:14

Nao iji wavika Lehi, Wafilisti wikamkimbiria wikikema; Roho wa Bwana ukamchea aighu yake kwa ndighi mbaa na rija kamba rerekoghe mikonunyi kwake, rikawuya sa uzi wa kitani wahia, rikapotoka kufuma mikonunyi kwake.

WATANYI 3:10

Roho wa BWANA ukamchea aighu yake, nao ukawuya mtanyi wa Waisraeli; ukaghenda wudenyi, na BWANA ukamneka wusimi aighu ya mzuri wa Mesopotamia.

1 SAMUELI 10:10

Wiendavika Gibea, wikakwana na walodi wamu, na Roho wa Mlungu ukamchea aighu kwake kwa ndighi mbaa, nao ukafunya wulodi aghadi kwawo.

1 SAMUELI 10:9

Sauli uendasighana na Samueli, Mlungu ukamghalua wuzima, na alama rija rose rikabonyeka ijo ituku jeni.

1 SAMUELI 11:6

Nao iji Sauli wasikira maza iro, Roho wa Mlungu ukamchea aighu kwake kwa ndighi mbaa, ukajokwa ni machu mabaa.

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.