1 SAMUELI 10:5 - Biblia Ilagho Jiboie Kwa Wandu Wose

⁵ Konyuma kuchacha na kuvika Gibeathelohimu, andu kuko na ngome ya masikari gha Wafilisti; hata iji kwakangia mzinyi kuchakwana na walodi wamu wafuma mghondinyi andu kotasira wikikaba kinubi, na kayamba, na msherembe na zeze, wikifunya wulodi.

1 SAMUELI 10:5 ပူးပေါင်းရင်းမြစ်များ

1 WAZURI 18:29

Wikakema na kudeda hata ngelo efunya kizongona cha nakenyi, ela ndekorekoghe na lwaka hata mndungi nderetumbulieghe anduangi.

2 WAZURI 2:15

Kipughi cha walodi awo werekoghe Jeriko wiendammbona ukiruwuka cha kwawo, wikaghamba, “Roho wa Elija wamkaria Elisha.” Wikacha kummara; wikaghoghoma imbiri kwake hata andonyi,

2 WAZURI 2:3

Nao kipughi cha walodi, awo werekoghe Betheli, wikacha kwa Elisha wikamzera, “Keni kwamanya angu idime iji BWANA uchamuinja bwana wako kwako?” Elisha ukaghamba, “Ee namanya, nyamenyi kima.”

2 WAZURI 2:5

Kipughi cha walodi awo werekoghe Jeriko wikasoghoda kaavui na Elisha wikamzera, “Keni kwamanya angu idime iji BWANA uchamuinja bwana wako kwako?” Elisha ukaghamba, “Ee namanya, nyamenyi kima.”

2 WAZURI 2:7

Wikanughwa ni kipughi cha walodi mirongo misanu, wikakaia kimusi kakula kufuma kwawo ingelo werekaieghe kimusi aho Jordani.

2 WAZURI 3:15

Ela idana niredie mkabi kinubi.” Nao iji m'bori wazoya kukaba kinubi chake, ndighi ra BWANA rikamchea Elisha,

2 WAZURI 4:38

Elisha ukawuya sena Gilgali, na ngelo iyo korekoghe na njala isangenyi. Hata iji kipughi cha walodi wereserieghe kidombo imbiri kwake, ukamzera mdumiki wake, “Wikiria nyungu mbaa modonyi kudekie kipughi cha walodi supu.”

2 WAZURI 6:1

Ituku jimu, kipughi cha walodi wikamzera Elisha, “Wona, andu kudinekie kokaia ni kutini ndekudikatagha.

1 MALAGHO GHA NGELO 11:16

Ngelo iyo Daudi orekoghe ngomenyi, na majeshi gha Wafilisti gherekoghe Bethlehemu.

1 MALAGHO GHA NGELO 13:8

Daudi na Waisraeli wose werekoghe wikizuma imbiri ya Mlungu kwa ndighi rawo rose; wikibora na kukaba zeze na vinubi na mayanga, na banjo na tarumbeta.

1 MALAGHO GHA NGELO 16:42

Hemani na Jeduthuni werekoghe na tarumbeta na banjo kukaia vombo va muziki ghobora chumbo ra Mlungu; na wana wa Jeduthuni werewikiloghe wikaie walindiri wa mbenge.

1 MALAGHO GHA NGELO 16:5

Asafu orewikiloghe ukaie m'baa, na mtesia wake ukaie Zekaria. Wandu wekaba vinubi na zeze ni Jeieli, Shemiramothi, Jehieli, Matithia, Eliabu, Benaia, Obed-edomu na Jeieli. Asafu orekoghe mkabi banjo.

ZABURI 49:4

Nichadegha kudu, nisikire ikatanisho; nichatambua ndawi rapo ngibora kwa kinubi.

ZABURI 92:3

kwa kubora na zeze na kinubi, na kwa chumbo risingie riborwagha kwa vombo va chuzi.

1 WAKORINTHO 14:1

Fungenyi ndighi kukaia na lukundo, na kukaia na bea mbaa ya manosi gha Roho; na kuchumba, mpate kuchila.

1 SAMUELI 10:10

Wiendavika Gibea, wikakwana na walodi wamu, na Roho wa Mlungu ukamchea aighu kwake kwa ndighi mbaa, nao ukafunya wulodi aghadi kwawo.

1 SAMUELI 10:4

Wichakuroghua na kukuneka mikate iwi, na oho kuchaiwada.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 13:3

Jonathani ukajikaba ijeshi ja Wafilisti werekoghe ngomenyi ya Geba ukawisima; na Wafilisti wikasikira. Nao Sauli ukakaba tarumbeta isangenyi kose ukighamba, “Waebrania ndewiche.”

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.

1 SAMUELI 9:12

Wikatumbulia, “Oko aeni; ola hoja naimbiri konyu. Shashirenyi, waacha mzinyi idakoni; kwa kukaia wandu wiafunya kizongona andu kotasira mghondinyi idime.