1 SAMUELI 10:27 - Biblia Ilagho Jiboie Kwa Wandu Wose

²⁷ Ela wandu wamu wa kisha-kisha wikaghamba, “Umundu udima wada kudikira?” Wikammenya hata ndeweremnekieghe zawadi ringi. Ela Sauli uo ukakaia na sere.

1 SAMUELI 10:27 ပူးပေါင်းရင်းမြစ်များ

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

1 WAZURI 10:25

Kula umu wawo ukareda manosi gha vilambo va feza na dhahabu; nguwo na maswagha, vilungo na farasi na nyumbu; maza iri rikakaia rikibonyeka mwaka-mwaka.

1 WAZURI 4:21

Solomoni ukabonya nguma aighu ya mawuzuri ghose; kufuma Moda ghwa Eufrate hata isanga ja Wafilisti na mpakenyi ghwa Misri. Wandu wikamredia kodi na kumdumikia irangi jake jose.

1 WAZURI 5:1

Hiramu mzuri wa Tiro orekundaneghe na Daudi. Hata iji wasikira kukaia Solomoni washingilo mavuda ukaie mzuri wulalo ghwa ndee, ukaduma Wadumwa wake wabaa kwa Solomoni.

2 MALAGHO GHA NGELO 13:7

na wandu wamu wa kisha kisha wisefwane kindo chingi wikakukwanya nao, wikakufungisha ndighi aighu ya Rehoboamu mwana wa Solomoni, ingelo orekoghe mkoo usedimagha kusimana nawo.

2 MALAGHO GHA NGELO 17:5

Kwa huwo BWANA ukaghumangisha wuzuri aisi ya wulongozi ghwake; na wandu wose wa Juda wikamredia Jehoshafati kodi, nao ukakaia na mali nyingi na ishima.

ZABURI 38:13

Ela ini neeka sa mundu ufue madu, usesikiragha; neeka sa kituri usededagha.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

MCHILI 7:21

Kusesikirieghe malagho ghose ghijighwagha, kuchesikira mdumiki wako ukikudukana;

ISAYA 36:21

Ela awo wandu wikanyama kima sa iji koni werezereloghe ni Hezekia; ndeweremtumbulieghe hata ilagho jeni.

MATHAYO 2:11

wikaghenda na kungia andu aja mwana orekoghe, wikammbona uko na mae Maria, wikamdungia ngokoro wikamtasa. Wikafungua mali rawo, wikamfunyira manosi gha dhahabu, ubani, na manemane.

MABONYO GHA WADUMI 7:35

“Musa uhu weremleghieghe wikighamba, ‘Nani ukuwikie kukaie m'baa na mtanyi aighu yedu?’ Nuo moni oredumiloghe ni Mlungu ukaie m'baa na mkiri, kwa kuteselwa ni malaika uo oremfutukieghe kisachinyi.

WUKUMBUSO 13:13

wei wandu wamu wa kisha wa mzenyu waghendie na kuwilaghasha wandu wa ugho muzi wikighamba, wei wighende kutasa milungu mizima, iyo mseiichi,

1 SAMUELI 11:12

Niko wandu wa Israeli wikamzera Samueli, “Waja wandu wereghoragha wei Sauli ndedimagha kudibonyera nguma weko hao? Wiredenyi aha diwibwaghe.”

1 SAMUELI 11:13

Ela Sauli ukaghamba, “Ii hata, mndungi ndebwaghwaa idime, kwa kukaia ituku iji BWANA wawiredia Israeli kukia.”

1 SAMUELI 16:20

Nao Jese ukawada punda, ukamdukishira mkate, kiriba cha mrongo cha divei, na ndaghina; ukamduma mwana wake Daudi navo kwa Sauli.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

1 SAMUELI 25:17

Idana kumanye agho, nao kupime ngera kubonya wada; kwa kukaia wandu awo wakaia na nia em'bonya bwana odu kiwiwi chiaimweri na wandu wake wose; uo bwana odu nao ndefundwagha ni mndungi, oozama shuu.”