1 SAMUELI 10:24 - Biblia Ilagho Jiboie Kwa Wandu Wose

²⁴ Samueli ukawizera wandu wose, “Mwawona umundu wasaghulwa ni BWANA? Ndekuwadie ungi uko sa uo aghadi ya wandu wose.” Nao wandu wose wikaghora kwa lwaka lubaa, “Mzuri ndeduo moyo luma!”

1 SAMUELI 10:24 ပူးပေါင်းရင်းမြစ်များ

2 SAMUELI 16:16

Uja mghenyi wa Daudi, Hushai Muariki uendacha kwa Absalomu, ukamzera, “Mzuri uduo moyo! Mzuri uduo moyo!”

2 SAMUELI 21:6

deekunda dineko wana wake mfungade dipate kuwinyonyoresha mudinyi aha Gibea ya Sauli mghondinyi kwa BWANA.” Mzuri ukaghamba, “Nimneka.”

1 WAZURI 1:21

Isechekaia nyuma ya oho bwana wapo mzuri kufwa, ini na mwana wapo Solomoni diwuetalwa kukaia wakosi.”

1 WAZURI 1:25

Idime wasea ukabwagha kizongona cha ng'ombe, na ngache ribandie, na ng'ondi kwa wungi, nao wawikaribisha wana wako wose, hata Joabu m'baa wa majeshi, na mkohani Abiathari. Nawo waawuyaja na kunywa imbiri ya Adonija wikighamba, ‘Mzuri Adonija ndeduo moyo.’

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

1 WAZURI 1:39

Niko aho mkohani Zadoku ukawada kilambo cha mavuda kufuma Hemenyi, wikamdunga Solomoni mavuda. Wikakaba tarumbeta, na wandu wose wikaghamba, “Mzuri Solomoni ndeduo moyo!”

2 WAZURI 11:12

Niko Jehoiada ukamfunya uja Joashi mwana wa mzuri, ukamngira kirumbu chongonyi kwake na kumneka chuo cha malaghiro gha wuzuri mkonunyi kwake; wikamdunga mavuda na kumghora kukaia ni mzuri. Wikamkabia chui wikighamba, “Kuduo moyo ee mzuri.”

2 MALAGHO GHA NGELO 23:11

Niko Jehoiada ukamfunya shighadi mwana wa mzuri, ukamrusha kirumbu, ukamneka kopi ya ilaghano wikamghora kukaia ni mzuri. Niko Jehoiada na wana wake wikamshinga mavuda wikighamba, “Mzuri ndeduo moyo luma!”

MATHAYO 21:9

Wandu werekoghe kiimbiri chiaimweri na waja werenughieghe na nyuma wikaghora kwa lwaka lubaa: “Hosana kwa Mwana wa Daudi, Warasimiwa uo uchagha kwa irina ja Bwana; Hosana aighu na ndighi.”

WUKUMBUSO 17:15

mkaie na wuloli kukaia ni mundu usaghulo ni BWANA; sena ukaie ni umu wa wamzenyu weni msewike mghenyi ungi useko mwanyinyu.

1 SAMUELI 11:15

Nao wandu wose wikaghenda Gilgali, wikam'bonya Sauli ukaie mzuri imbiri ya BWANA; wikafunya vizongona va mapatano kwa BWANA, Sauli na wandu wose wa Israeli wikaboilwa na ndighi.

1 SAMUELI 12:1

Niko Samueli ukawizera wandu wose wa Israeli, “Olenyi namsikira kwa maza renyu rose munilombie nibonye; nani namerie kummbika mzuri om'bonyera nguma.

1 SAMUELI 12:13

“Idana wonenyi mzuri onyu uo mumsaghue, uo moremlombieghe; nenyo zighanenyi BWANA wameria kummbika ukaie mzuri aighu yenyu.

1 SAMUELI 9:2

Mundu uo orekoghe na mwana wa womi uwangwaghwa Sauli, mdawana ughokie na ndighi; ndekorekoghe na mndungi ughokie kumchumba aghadi ya Israeli yose. Orekoghe mundu mlacha kuchumba wandu wose.