1 SAMUELI 10:2 - Biblia Ilagho Jiboie Kwa Wandu Wose

² Dikameria kusighana idime, kuchakwana na wandu wawi aho kaburinyi ya Raheli, mpakenyi ghwa Benjamini aho Selsa; nawo wichakughoria kukaia weke punda awo korewilolagha wamerie kuwoneka; na idana ndeyo wasighie kughesha maza ra weke punda, waawuyakambwa ni chongo kwa wundu ghwako ukighamba, ‘Nibonya wada kwa wundu ghwa mwanwapo?’

1 SAMUELI 10:2 ပူးပေါင်းရင်းမြစ်များ

KUZOYA 35:16

Niko wikadamba kufuma Betheli; hata iji werekoghe kakula na Efrata, Raheli ukazoya kulumwa na kukumba lufu.

KUZOYA 48:7

Angu iji nerekoghe nikicha kufuma Padani, nerepatiroghe ni wasi kwa kufuilwa ni mayo Raheli chienyi isanga ja Kanaani, navika kaavui na Efrata, nani ngamrika aho mbai na mbai ya chia eghenda Efrata, (nigho Bethlehemu.)”

JEREMIA 31:15

BWANA waghamba huwu: “Lwaka lwasikirika Rama lwaka lolila na kukema mchungu; Raheli ukiwililia wana wake, nao walegha kuhoreshwa kwa wundu ghwa wana wake, angu wameria kufwa.

JOSHUA 18:28

Zela, Haelefu, Jebusi (angu Jerusalemu) Gibea na Kiriath-jearimu: mizi ikumi na ina, chiaimweri na mizi yaro mitini. Iji nijo ifwa ja kichuku cha Benjamini kunughana na nyumba rawo.

1 SAMUELI 10:16

Sauli ukamzera awuye, “Oredighorieghe worinyi kukaia weke punda wawonekie.” Ela ukamvisa agho malagho gha wuzuri oreghoreloghe ni Samueli.