1 SAMUELI 10:1 - Biblia Ilagho Jiboie Kwa Wandu Wose

¹ Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 10:1 ပူးပေါင်းရင်းမြစ်များ

2 SAMUELI 1:14

Daudi ukamzera, “Yakaia wada kusereobueghe kughorua mkonu ghwako na kumtotesha uo mshingwa mavuda wa Mlungu?”

2 SAMUELI 19:39

Mzuri uendaruwuka Jordani, wandu wose wikaruwuka. Nao mzuri ukamsusugha Barzilai, ukamrasimia na kumsigha ughende cha mzinyi kwake.

2 SAMUELI 20:19

Ini ne umu wa waja wandu wikunde sere, sena wiko wa loli andenyi ya Israeli; oho kwakuwika tayari kughunona muzi ghuko sa mao andenyi ya Israeli; kwaki kunonagha ifwa ja BWANA?”

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

1 WAZURI 1:34

na aho mkohani Zadoku na mlodi Nathani wimdunge mavuda uwue mzuri wa Israeli, nao mkabe tarumbeta mghambe, ‘Mzuri Solomoni ndeduo moyo!’

1 WAZURI 19:18

Elaima sena, nichasigha wandu elfu mfungade andenyi ya Israeli, jingi wisedungie ngokoro kwa Baali, hata jingi wisemsusugha.”

2 WAZURI 20:5

“Wuya kumzere Hezekia m'baa wa wandu wapo, BWANA uo Mlungu wa ndeyo Daudi waghora huwu: Nasikira malombi ghako na kuwona mbori rako; ola nichakuboisa na ituku ja kadadu kuchajoka Hekalunyi kutasa.

2 WAZURI 9:1

Niko mlodi Elisha ukammbanga umu wa kipughi cha walodi, ukamzera, “Kufunge nicha, kuwade ihi chupa ya mavuda, kughende Ramoth-gileadi.

2 WAZURI 9:12

Wikamzera, “Hata ndedighiichi; dighorie seji wakuzera.” Nao ukawizera, “Wanizera welee, BWANA waghamba, ‘Nakushinga mavuda kukaie mzuri wa Israeli.’”

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

ZABURI 2:12

Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.

ZABURI 78:71

ukamreda kufuma kulishenyi ng'ondi, upate kukaia mlisha wa wandu wa Israeli, ifwa jake.

KUFUMA 30:23

“Kuwade marumba ghiboie kuchumba. Kilo irandadu ra mavuda gha manemane, na kilo idadu ra mavuda ghinukie nicha gha mdalasini, na kilo idadu ra mavuda ghinukie nicha gha kane

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

EZEKIELI 16:13

Kwa huwo kukapambwa kwa feza na dhahabu, na marwao ghako ghedeeka gha kitani ndicha, na hariri na nguwo ritolelo. Korejieghe mkate ghwa mufu ghudendere na wuki na mavuda; kukazoghua kughokie loli-loli, kukawuya malkia.

HOSEA 13:2

Na idana waawuyachuria kubonya kaung'a kwa kukubonyera weni milimu ichanilo wiitase; milimu iyo ibonyero kwa feza; kazi ibonyero kwa wuya ghwa mdamu. Nawo waghamba, “Funyenyi vizongona kwa ihi milimu.” Ikaia wada wandu wisusugha mlimu ghwa njau!

MABONYO GHA WADUMI 13:21

Niko wikalomba mzuri, na Mlungu ukawineka Sauli mwana wa Kishi, mundu wa mbari ya Benjamini kwa miaka mirongo ina.

WUKUMBUSO 32:9

ela kivalwa cha Jakobo orechisaghueghe, chikaie ifwa jake moni.

1 WATHESALONIKE 5:26

Muwiroghuo wanidu wose kwa msusugho ghwa wueli.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

1 SAMUELI 12:3

Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 15:1

Nao Samueli ukamzera Sauli, “BWANA orenidumieghe nikushinge mavuda kukaie mzuri aighu ya wandu wake Israeli; idana sikira seji BWANA Uwadie-Ndighi-Rose waghora.

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 SAMUELI 2:10

Wamaiza wa BWANA wichadumbulwa vipande vipande, uchawikaba na lukuwa kufuma mlungunyi BWANA uchatanya ndoenyi kose, uchamneka mzuri wake ndighi, na kumchuria ndighi uo msaghulwa wake.”

1 SAMUELI 24:6

ukawizera wandu wake, “BWANA unitesie nisem'bonye kiwiwi bwana wapo, uo mshingwa mavuda wa BWANA; hata nisetime kum'bonya ilagho jingi jizamie, angu uo ni mshingwa mavuda wa BWANA.”

1 SAMUELI 26:11

BWANA ndenitesie, jingi nisem'bonye kiwiwi mshingwa mavuda wa BWANA. Ela idana shoa ijo ifumu jiko chongonyi, na kiriba cha machi, dighende.”

1 SAMUELI 26:9

Ela Daudi ukamzera Abishai, “Kusem'bonye ilagho jingi; kwani nani udimagha kum'bonya kiwiwi mshingwa mavuda wa BWANA uke usewadie makosa?”

1 SAMUELI 8:19

Ela awo wandu wikalegha kumsikira Samueli, nawo wikaghamba, “Hata! Isi deekunda mzuri odibonyera nguma,

1 SAMUELI 8:9

Oho wisikire, ela kuwiwonyere na ndighi seji uo mzuri uchaawibonyera nguma.”

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”

1 SAMUELI 9:27

Hata iji werekoghe wikighenda, na kuvika kutua kwa muzi, Samueli ukamzera Sauli, “Mzere mdumiki wako ukirie.” Nao uja mdumiki ukaida ukakiria. Niko Samueli ukaghamba, “Dunga maghu kutini nikughorie ilagho ja Mlungu.”