1 SAMUELI 1:15 - Biblia Ilagho Jiboie Kwa Wandu Wose

¹⁵ Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.

1 SAMUELI 1:15 ပူးပေါင်းရင်းမြစ်များ

AYUBU 30:16

“Na idana neko kaavui na kufwa; matiriro ghapo ndeghiwuesia.

ZABURI 143:6

Nakughoruya mikonu yapo ngilomba; roho yapo yakaia na kau na oho sa ndoe iomie.

ZABURI 42:4

Nakumbuka niko na wasi ngolonyi, seji niduelongoza izungu ja wandu kughenda nyumbenyi kwa Mlungu. Longo lwa wandu wengi wiwadiagha mizango ya ndima; wikibora na kuzuma na kufunya chawucha kwa Mlungu.

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

ZABURI 62:9

Wandu wa ndonyi ni sa miruke cheni, na wandu wa ighu si kilambo chingi; wikapimwa, wiawuka nokoighu; waangue kuchumba miruke.

MAKATANISHO 14:10

Mundu wadamanya luwawo lwake moni; hata kuboilwa kwake ndewaghanagha na mndungi.

MAKATANISHO 15:1

Itumbulio ja wumboa jadahoresha machu, ela itumbulio jibirie jadawusira machu.

MAKATANISHO 25:15

M'bonyi nguma wadima kushingirwa malagho kwa irumaghio, na madedo ghiboie ghadima kuboisa malagho ghikurie.

KILILO CHA JEREMIA 2:19

Wuka sena na sena kio chee kukimlilia BWANA; kumghorie wasi ghwako loli, kukimlomba uwifue wughoma wana wako awo wawuyabwaghwa ni njala achienyi.

1 SAMUELI 1:16

Kusakenigheshera ini mdumiki wako kukaia muka wa kisha kisha, kwa kukaia kufuma aho nedeeka ngilomba malagho gha bea yapo niko na kusirimika kubaa.”

1 SAMUELI 7:6

Niko wikakwanyika aho Mispa, wikadaya machi na kughidia sa kizongona imbiri ya BWANA; wikafunga tumu ituku ilazi wikaghamba, “Dam'bonyere BWANA kaung'a.” Samueli ukakaia ukiwitanya wandu wa Israeli aja Mispa.