1 SAMUELI 1:10 - Biblia Ilagho Jiboie Kwa Wandu Wose

¹⁰ Hana orekoghe ukiwawa nandighi, ukalomba kwa BWANA ukilila na luwawo lubaa.

1 SAMUELI 1:10 ပူးပေါင်းရင်းမြစ်များ

KUZOYA 30:1

Nao iji Raheli orewonieghe angu uo nderemvaieghe Jakobo wana wangi, ukammbonia mruna iriso, ukamzera Jakobo, “Nineke wana! Si huwo nifo noko!”

KUZOYA 50:10

Hata iji werevikieghe lwala loelia viro lwa Atadi, luko kimonu cha Jordani, wikalila kililo kibaa cha wasi, na Josefu ukabonya ifwa aho kwa wundu ghwa ndee matuku mfungade.

2 SAMUELI 13:36

Nao usendeemeria kughora, wana wa mzuri wikacha wikazoya kulila; na mzuri wokoni ukalila chiaimweri na wadumiki wake; wikalila kwa luwawo lubaa.

2 SAMUELI 17:8

Hushai ukachuria kughora, “Oho kwaichi ndeyo chiaimweri na wandu wake ni wandu wiwadie ndighi, nawo weko na luwawo sa kibarabara chasokwa wana wake mlambenyi. Aighu ya agho, ndeyo ni mundu uichi maza ra wuda, ndechaalalanya na wandu.

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

AYUBU 10:1

“Nakoja kukaia moyo, nichaghora malalamiko ghapo kuseko kighirio, nichaghighora ngikaia na wasi ngolonyi.

AYUBU 7:11

“Kwa huwo sichaanyama kima; nichadeda ngikaia na kuvavirika kubaa rohonyi kwapo; nichalalamika ngikaia na kuwawa ngolonyi kwapo.

AYUBU 9:18

Ndewuenisighia wulalo ghosoda, ela waawuyanichuria luwawo.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

MAKATANISHO 14:10

Mundu wadamanya luwawo lwake moni; hata kuboilwa kwake ndewaghanagha na mndungi.

ISAYA 38:15

Ela nighora wada? Uo wameria kunighoria, na nuo moni wabonya ilagho iji. Nichaghenda mboa-mboa irangi japo jose kwa wundu ghwa luwawo lwa roho yapo.

ISAYA 54:6

Ini BWANA nakuwangie, sa muka uleghelo na kusirimika rohonyi, sa muka mkoo uleghelo na kukumbwa noko; nani naghamba,

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 22:10

Msakemlilia Josia mzuri ufue angu kum'bonyera ifwa, ela mumlilie nandighi Joahazi uo mzuri udwalwagha wunyika; angu ndechaawuya hata kuwona isanga jake sena.

KILILO CHA JEREMIA 3:15

Wanighudishire matiriro ghibirie, wulalo ghwa vindo na kunywa.

LUKA 22:44

Nao moni ukikaia na wasi m'baa, ukalomba kwa kufunga ndighi, hata marughudia ghake ghikakaia ghikitonya andoenyi sa matanda mabaa gha bagha.]

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WATANYI 21:2

Niko awo wandu wa Israeli wikaghenda Betheli na kusea kidombo imbiri ya Mlungu hata luma lwa kenyi. Wikakema na kulila kwa kuwawa wikighamba,

RUTHU 1:20

Naomi ukawizera, “Mseniwange Naomi, ela muniwange Mara; angu Uo-Uko-Aighu-Nandighi wanibonyere maza ribirie.

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

1 SAMUELI 1:9

Hata iji wameria kuja na kunywa aho Shilo, Hana ukawuka. Na uja mkohani Eli orekoghe wasea kidombo kifumbinyi mbai na mbai ya mnyango ghwa Hekalu ya BWANA.