1 JOHANE 3:6 - Biblia Ilagho Jiboie Kwa Wandu Wose

⁶ Kula mundu ukaiagha andenyi ya Kristo, ndebonyagha kaung'a, uo ubonyagha kaung'a ndemmbonie jingi, hata ndemmanyire anduangi.

1 JOHANE 3:6 ပူးပေါင်းရင်းမြစ်များ

2 WAKORINTHO 3:18

Na isi diwose, dikikaia na wushu ghusefinikiro, daghuzighana wubaa ghwa Bwana sa kwa kilole, na kughaluswa hata divikie kufwanana nao, kwa ugho wubaa ghuchumbie; angu maza iri riafuma kwa Bwana, uo uko Roho.

2 WAKORINTHO 4:6

Angu uo Mlungu ughambie, “Mwengere ndeghung'ale-ng'ale kufuma kirenyi”, nuo moni ung'alie andenyi ngolonyi kodu, na kudineka mwengere, dipate kughumanya wubaa ghwa Mlungu ghwawuyang'ala-ng'ala wushunyi kwa Kristo.

1 JOHANE 2:28

Na idana wanake watini, kaienyi andenyi ya Kristo; eri iji wawoneka, dikaie na wuwana, hata disakewuya nanyuma kwa waya ngelo ya kucha kwake.

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.

1 JOHANE 2:4

Mndungi ukaghamba wei wamwichi, nao ndeisikiragha memu yake, ni mtee; na ija loli ndeiko andenyi kwake anduangi.

1 JOHANE 3:2

Wakundwa, de wana wa Mlungu idana; ela ndeiwueka worinyi seji dichaakaia. Damanya angu kasikira Kristo wawoneka worinyi, dichafwanana nao, angu dichammbona seji koni uko.

1 JOHANE 3:9

Kula mundu uvalo ni Mlungu ndebonyagha kaung'a; angu asili ya Mlungu yadakaia andenyi kwake, nao ndedimagha kubonya kaung'a, kwa kukaia oovalwa ni Mlungu.

1 JOHANE 4:8

Uo usene lukundo, ndemwichi Mlungu, angu Mlungu ni lukundo.

1 JOHANE 5:18

Isi damanya angu mndungi uvalo ni Mlungu ndebonyagha kaung'a, kwa kukaia Mwana wa Mlungu wadamlindia; na Uja Mmbiwi ndem'bonyagha ilagho jingi anduangi.

3 JOHANE 1:11

Mkundwa, kusesunge wuwiwi, ela kusunge wucha. Uo ubonyagha nicha ni wa Mlungu; uo ubonyagha kiwiwi, ndemmbonie Mlungu anduangi.