1 JOHANE 3:3 - Biblia Ilagho Jiboie Kwa Wandu Wose

³ Na kula mundu wawuyamsuwiria huwo, wakuelesha moni sa iji koni Kristo uelie.

1 JOHANE 3:3 ပူးပေါင်းရင်းမြစ်များ

2 SAMUELI 22:27

Kwadakuwonyera kumoni kukaia mweli kwa uo ukueleshagha moni, na kwa uo uzamie kwadakuwonyera kumoni kukaia mtangali.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

LUKA 6:36

Mkaie na wughoma sa iji Ndeyo onyu uko na wughoma.

JOHANE 17:19

na kwa wundu ghwawo, nakuwika ini moni kwako, eri nawo weni wibonyo kukaia wako weni kwa iyo loli.

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

WAROMA 15:12

Na Isaya wachuria kughamba, “Mndumu uchacha wa kichuku cha Jese, kuwibonyera nguma wandu wa mbari zima; nawo wichasuwiria kwake.”

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

WAKOLOSAI 1:5

kwa wundu ghwa ijo isuwirio jiwikilo aighu mlungunyi kwa wundu ghonyu. Nenyo moresikireghe malagho gharo imbiri, andenyi ya ijo ilagho ja loli, ijo Ilagho Jiboie

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

TITO 3:7

eri dipate kutalwa kukaia na hachi kwa mvono ghwake, na kuwuya wandu wa ifwa wesuwiria irangi ja kala na kala.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.

1 PETRO 1:15

Ela sa iji koni uo ummbangie uko uelie, nenyo wori mkaie muelie kwa tabia renyu rose;

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

2 PETRO 1:4

Kwa chia iyo, wadinekie agho malaghiro ghake ghiko mabaa na gha zoghori mbaa, mpate kwa agho, kukia na uko kunoneka kuko wurumwengunyi, kushekerelwagha ni bea; na kuwuya wandu wa ngara wa asili ya wulungu.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

1 JOHANE 2:6

Uo ughambagha wei wadakaia andenyi ya Mlungu, yamfwana kughenda seji koni Jesu Kristo oreghendieghe.

1 JOHANE 4:17

Kwa ilagho iji, ulo lukundo lwa Mlungu lwakatishwa andenyi kodu, eri dipate kukaia na wuwana ijo Ituku ja Kutanywa; angu sa iji koni Kristo uko, niko koni na isi dikaiagha wurumwengunyi.