Юнус 4:8 - Гирами Китаб

⁸ Ригъ гьудубчӀвиган, Аллагьди думу гьудубчӀву терефнаан гъати микӀ гьапӀну, ва ригъди Юнусдин кӀул абгуз хъюбгъну, думу гьаци инжиг гъахьнуки – чаз аьжал ккун гъапӀну ва гъапну: – Мици гъузайиз, узуз йикӀуб ужу вуйиз!

Юнус 4:8 ပူးပေါင်းရင်းမြစ်များ

Эвел 41:6

Дурарин кьяляхъди ургубсана кӀул аьхю шулу – зяифдар ва мани-къур ригъ гьудубчӀврушвхъанди гъюру микӀлу улургнайидар.

Паччагьлугъар-3 19:4

Хъа учв буш чюлиз сад йигъандин рякъюн манзилназ гъушнийи. Думу душвахьна гъафнийи ва ялгъузди айи рукчикк деънийи ва, чаз аьжал ккун апӀури, ккарагнийи: – Сарун чӀяаьн ву, РАББИ, йиз уьмур гъадабгъ, узу йиз архйиртӀан ужур дарза аьхир.

Паччагьлугъар-3 21:4

Ахав хулаз маш чӀур дапӀну ва хъял кади гъушнийи, гьаз гъапиш Изреелиан вуйи Навотди гъапнийи: «Узу йиз абйирин ирс увуз тувидарза». Думу ахникк дахънийи, ва дугъу маш гьибицнийи, хураг ипӀуз ваъ кӀуйи.

Юнус 1:4

Хъа РАББИЙИ гьациб микӀ гъитӀибккнуки – гьюлʼина, гими гьамус-хъа уьбгъюр, кӀурусиб тӀурфан гъудубжвнийи.

Юнус 4:3

Ва гьамус, РАББИ, йиз жандиан рюгь адабгъ, гьаз гъапиш, мици гъузайиз, узуз йикӀуб ужу вуйиз.

Юнус 4:9

Ва Аллагьди Юнусдиз гъапну: – Хъа увуз гьадму набатат гъеебццну кӀури, хъял гъафнийвуз? Дугъу жаваб тувну: – ЙикӀузкьан!

Матта 20:12

– Гьаму кьяляхъна гъафидар саб сяаьтнаътӀан гъилихундар, хъа уву дурарна ярхи йигъди убцру ригъдикк гъилиху учу саб гъапӀунва.

Ачмиш 3:19

Узу Узуз масан вуйи касариз жаза гьадабтӀурза ва дурарин жини ляхнар арайиз адагъурза, гьаци вуйиган, юкӀв хъип, ва швумал духьну, яв фурсар дирч.

Ачмиш 7:16

ва дурариз гьич зат я къурагьвал, я гашʼвал аьгъю хьибдар, я ригъди дурар ургидар, я пис манишнан ялавну ккагъидар,

Паччагьлугъар-1 3:18

Шамуили, фукӀа жин дарапӀди, дугъаз вари ктибту. – Думу РАББИ ву, ва Дугъу, Чаз фици ккундуш, гьаци апӀуру вари! – гъапи Илийи.