Юнус 1:3 - Гирами Китаб

³ Амма Юнусдиз РАББИЙИХЬАН гьадмусяаьт Таршишдиз гьергуз ккун гъабхьну. Думу, Яффайиз душну, Таршишдиз гъябгъру гими дабгну, чахьан рубкьру гьякъи тувну, РАББИЙИХЬАН Таршишдиз гьергбан бадали, дидиъ эъну.

Юнус 1:3 ပူးပေါင်းရင်းမြစ်များ

Эвел 3:8

Хъябяхъган жилиризна хпириз багъдиъ РАББИ Заанур лицурайиб ебхьуру, ва дурар гьарарихъ гьитӀикӀуру.

Эвел 4:16

Хъа Каин РАББИЙИХЬАН гьудучӀвну гъягъюру ва Эдемдихьантина, ригъ гьудубчӀвру терефнаъ, Нод ругариин ерлемиш шулу.

Паччагьлугъар-3 19:3

Илʼяс пайгъамбриз гучӀ гъабхьнийи ва, чан уьмур къутармиш апӀури, гьергнийи. Ягьудайиъ айи Беэр-Шевайиз хъуркьиган, дугъу гъараваш душваъ гъитнийи.

Паччагьлугъар-3 19:9

Душвахь думу хьараъ учӀвнийи ва гьадушваъ йишв адапӀнийи. Ва магьа дугъаз РАББИЙИН гаф ашкар шулу: – Уву мушваъ гьапӀрава, Илʼяс?

Юнус 1:10

Юнусди инсанариз, РАББИЙИХЬАН гьерграйир вуза, гъапиган, дурарик аьхю гучӀ ва гъалабулугъ кабхъу, ва дурари дугъаз гъапну: – Уву мици гьаз гъапӀунва?

Юнус 4:2

Ва дугъу, ккарагури, РАББИЙИЗ гъапну: – Я РАББИ! Узу гьеле йиз уьлкейиъ имиди, гьамци шлуб аьгъяйзуз. Гьаддиз узу Таршишдиз гъажаргънийза. Уву кӀваъ ккунивал айи, рягьимлу, хъял дебккру, язухъ апӀру Аллагь вуйивал ва Увуз мициб мусибат даккнивал аьгъяйзуз.

Лука 9:62

Исайи дугъазра гьамци гъапи: – Дурциин чан хил иливхъан, кьяляхъинди илдицру кас Аллагьдин Паччагьлугъдиз ярамиш дар.

Ляхнар 15:38

Амма Павели, Памфилияйиъ чпихъан хътаку ва аьхиризкьан чпин ляхниъ иштирак дарши Марк кӀуру Югьан хъади дурушиш ужу шул, пну, фикир апӀуру.

Ляхнар 26:19

Гьаци вуйиган, паччагь Агриппа, узхьан аьршарин амрихъ хъпебехъди гъузуз гъабхьундарзухьан.

Ляхнар 9:36

Яффайиъ Тавифа (грек чӀалниинди Доркас, яна «Жейран») кӀуру сар хъугънайи дишагьли айи. Дугъу, ужувлар апӀури, касибариз садакьйир тувуйи.

Ляхнар 9:38

Хъа Лидда Яффайихьан ярхлаъ дархьбаз лигну, Петр Лиддайиъ айиваликан деебхьну, ученикари дугъахьна: «Кьан дарапӀди гъач», – кӀури, кьюр кас гьаъру.

Ляхнар 9:42

Мидкан вари Яффайиз аьгъю шулу, ва гизафдар Агъайихъ хъугъру.

Ляхнар 9:43

Хъа Петр дидхъантина хайлин йигъари Яффайиъ гъидкьарин уста Симондихь гъузнийи.

Коринф-1 9:16

Узу Ужувлан хабар рабгъура кӀури, гьаз узу йиз тяриф апӀуза? Думу йиз буржи вуйиз. Эгер узу думу тамам дарапӀди гъибтиш, йиз язухъ ву!

Фессалоник-2 1:9

Дурариз гьадабтӀру жаза гьаргандин аьжал хьибди: Иса Чан адмийирин арайиъ адлу хьпан бадали ва Чахъ хъугъдарин арайиъ за хьпан бадали гъафиган, Дугъан аднан ва кьувватнан нурнахьан, Агъайин багхьан гьацдар ярхла апӀиди. Исайин адмийирин арайиъ учвура хьидичва, гьаз гъапиш учву ич шагьидвалихъ хъугъунчва.