Юнус 1:2 - Гирами Китаб

² – Гьамусяаьт Ниневия кӀуру зурба шагьриз гъарах, душван агьалйириз Узу амур гъапӀубдикан кидибт, фицики дурарин пис ляхнарикан Узухьна хабар дуфна.

Юнус 1:2 ပူးပေါင်းရင်းမြစ်များ

Эвел 10:11

Гьаму жиларилан думу Ассирияйиз удучӀвну гъягъюру. Дугъу душваъ Ниневия, Реховот-ир ва Калах шагьрар дивнийи

Паччагьлугъар-4 19:36

Думуган Ашурдин паччагь Санхериб, бина алдабгъну, гъушнийи. Думу хулаз кьяляхъ хътаркнийи ва Ниневияйиъ яшамиш гъахьнийи.

Юнус 3:2

– Гьамусяаьт Ниневия кӀуру зурба шагьриз гъарах ва душваъ дурариз Узу амур гъапӀубдикан кидибт.

Юнус 3:3

Юнус, гьадмусяаьт РАББИЙИ гъаписи, Ниневияйиз гъушну. Ниневия зурба аьхю шагьур вуйи, дидлан илдицури, шубуд йигъ гъябгъюйи.

Юнус 4:11

Хъа Узхьан арччул хил гагулихьан жара апӀуз аьгъдру варжна къад агъзуртӀан артухъ инсанар ва гизаф мал-гъара айи зурба Ниневия шагьрин язухъ дарапӀри гъузуз шулин?

Матта 10:18

Ва, учву Йиз ученикар ву кӀури, гьякимдрарихьна ва паччгьарихьна гъахиди, дураринна аллагьсузарин улихь Узкан шагьидвал апӀбан бадали.

Матта 12:41

Гъиямат йигъан суд апӀру вахтна Ниневия шагьрин агьалйир гьамусдин адмийирин гунгьарин шагьидарди гъудужвиди, фицики дурари Юнусди улупу аьгъюваларихъ хъебехъну, гунгьар гардандиъ гъидисну; хъа мушвахь ЮнустӀанна зурба Вуйир хьа.

Якьубдин 5:4

Ичв хутӀлариъ бегьер уч апӀрудариз кьимат тутрувди, учвуз гъибтунчва, дурари Аллагьдиз гьарйир апӀура, ва хутӀлиъ айидарин агьрар Саваоф Агъайин ибарихьна дурукьна. (Саваоф – Аллагьдин ччвурарикан саб, аьршарин кьушмарин аьхюр кӀуру гаф ву).

Ачмиш 18:5

Гьаз гъапиш дугъан гунгьар завариккна ккудукьна, ва Аллагьди дугъан алчагъ ляхнар кӀваин алаура.