Югьан 9:3 - Гирами Китаб

³ – Я мугъу, ясана мугъан абйир-бабари гунагь ляхин гъапӀундар, – жаваб туву Исайи. – Мугъан курвал гьаддиз вуки, Аллагьдин кьувват гьаддиинди улупбан бадали.

Югьан 9:3 ပူးပေါင်းရင်းမြစ်များ

Матта 11:5

кур вуйидариз рябкъюра, ликудар лицура, хамран уьзур кайидарин хам марцц шула, кар вуйидариз ебхьура, гъачӀидар чӀиви шула ва касибариз Ужувлан хабар рабгъура.

Югьан 11:4

Гьаддикан аьгъю дубхьну, Исайи кӀуру: – Му иццрушин аьжалихьна дар, думу Аллагьдин ад бадали ва гьаддилантина Аллагьдин Бали Чан адлувал улупбан бадали, вуйиб ву.

Югьан 11:40

Исайи дугъаз кӀуру: – Узу увуз гъапундайин: «Эгер уву хъугъри гъузиш, Аллагьдин гьунар рябкъидивуз», – кӀури?

Ляхнар 28:4

Дугъан хиликк ккебхнайи битӀ дябкъну, душван агьалйири чпин арайиъ гьамци гъапнийи: – Гьаму кас, саб шакра адарди, адми гъачӀир ву, фицики думу гьюлиъ талаф гъахьундаршра, Аллагьдин судди думу чӀивиди гъитрадар.

Ляхнар 4:21

Дурар, хъана гучӀар ккаъну, деетну. Гьаз гъапиш дурариз жаза тувуз гьякимарихьан багьна абгуз гъабхьундайи, фицики гъабхьибдиз лигну, вари халкьди Аллагьдин ад апӀурайи.

Югьандин-1 4:16

Учуз Аллагьдин ухьухьна вуйи му масанвал аьгъю гъабхьунчуз, ва думу кьабул гъапӀунча. Аллагь – масанвал ву. Масанвали ацӀнайир Аллагьдиъ гъузра, ва Аллагьра гьадму касдиъ яшамиш шула.

Югьандин-1 4:9

Магьа фици Аллагьди Чан масанвал ухьухьна улупнуш: Дугъу Чан айина-адру сар Бай, Гьадгъулантина ухьуз гьаргандин уьмур хьпан бадали, гьаму дюнʼяйиз гьаъну.