5 Дугъан чвйиркьан Дугъахъ хъугъри гъахьундар.
Исайи халкьдиз гьаму гафар кӀури имиди, магьа Исайин дадана чвйир дуфну, Дугъахъди гаф-чӀал апӀуз ккунди, чӀат дугъужвнади шулу.
Дугъан багахьлуйириз мидкан гъеебхьган, дурар дуфну, Иса гужназ мушвʼан хъади гъягъюз ккун шулу, фицики дурари, Думу абдал духьна, кӀуйи.
Саки Чан чвйир машквраз гъушхъан, Исара жиниди гьадина гъягъюру.
Ва гьаддиз Исайин чвйири дугъаз кӀуру: – Уву мушвʼан, Уву апӀурайи ляхнар Яв ученикаризра рякъруси, Ягьудия уьлкейиз машквраз гъарах.
Сарира чан гьунарар жиниди апӀури шулдар. Гьарсариз ккунду чибкан адмийириз аьгъю дубхьну. Хъа Уву гьацисдар гьунарар апӀураваки, гъит Увкан вари дюнʼяйиз аьгъю ибшри!
