Югьан 7:4 - Гирами Китаб

⁴ Сарира чан гьунарар жиниди апӀури шулдар. Гьарсариз ккунду чибкан адмийириз аьгъю дубхьну. Хъа Уву гьацисдар гьунарар апӀураваки, гъит Увкан вари дюнʼяйиз аьгъю ибшри!

Югьан 7:4 ပူးပေါင်းရင်းမြစ်များ

Паччагьлугъар-3 22:13

Михей пайгъамбриз дих апӀуз гьаънайири дугъаз гъапнийи: – Хъебехъ, имбу пайгъамбрари варидари паччагьдиз хъуркьувал шлуваликан кӀура. Гъит, яв гафра гьадрарин гафнахъди сабси ибшри, ужуди шлуваликан йип.

Матта 23:5

Хъа дурари фукӀа апӀурашра, инсанариз рябкъри кӀури апӀурайиб ву. Гьамци дурари унтӀланна хиллан илдижру Къанундиан гафар дидикӀнайи чпин чӀулар аьхю апӀури шулу ва палтарин цӀимцӀлар ярхи апӀури шулу.

Матта 4:6

ва Дугъаз кӀуру: «Эгер Уву Аллагьдин Бай вуш, гьамлин исина урс, фицики дибикӀна: „Аллагьди Чан малайикариз Яв гъайгъушнаъ хьуз амур апӀиди ва, Яв ликкьан гъвандихъ йивуз гъидритруганси, Уву чпин хилариина гъадагъиди“».

Матта 6:16

Учву ушв бисруган, кьюб маш гъяйидар фици пашманвалиъ кӀул ипну лицураш, гьаци учвура машар пашман дапӀну милицанай. Фицики дурари, чпи ушв бисурайиб улупуз кӀури, чпин машар язухъ гъюру гьялнаъ дерккра. Гьякьди кӀуразачвуз, дурарихьна рубкьруб дурубкьна.

Матта 6:5

Хъа учву ккарагруган, варидариз рякъри кӀури, мистариъна кючйириъ ккарагуз ккуни кьюб маш гъяйидарси махьанай. Гьякьди кӀуразачвуз, дурарихьна чпин рубкьруб гъурубкьну.

Лука 6:45

Ужур касди чан кӀван хазнайиан ужуб, хъа чӀурури чан кӀван хазнайиан чӀуруб адабгъуру, фицики инсандин мелз, дугъан юкӀв фти абцӀнаш, гьаддикан улхури шулу.

Югьан 18:20

– Узу варидарин улихь ачухъди гъапунза, – жаваб туву Исайи. – Вари жугьдар гъюру мистаъ Узу гьарган аьгъювалар улупури гъахьунза. Узу фукӀара гьитӀибкӀну, жиниди улупундарза.

Югьан 7:3

Ва гьаддиз Исайин чвйири дугъаз кӀуру: – Уву мушвʼан, Уву апӀурайи ляхнар Яв ученикаризра рякъруси, Ягьудия уьлкейиз машквраз гъарах.

Югьан 7:5

Дугъан чвйиркьан Дугъахъ хъугъри гъахьундар.