Югьан 7:18 - Гирами Китаб

¹⁸ Шли чан-чахьан кӀураш, гьацири чаз хусуси ад гъазанмиш апӀура. Хъа шли чав гьауриз ад гъазанмиш апӀураш, гьацири дугъриди кӀура, ва дугъан кӀваъ кучӀал адар.

Югьан 7:18 ပူးပေါင်းရင်းမြစ်များ

Югьан 5:41

Узуз инсанарин тярифар лазим дарзуз.

Фессалоник-1 2:6

ясана адмийирин ад гъазанмиш апӀуз шерик гъахьундарча – я учвухь, я жарадарихь.

Югьан 12:28

Гьадму арайиъ завариан дих атӀабгуру: – Адлу гъапӀунза ва хъана адлу апӀидиза!

Петрин-1 4:11

Эгер шлиз гафар апӀувалин хъуркьувалар аш, гъит, дугъу Аллагьдин хабарнакан гаф рабгъри; шлиз гъуллугъ апӀбаъ хъуркьувалар аш, гъит, Аллагьди туврайи кьувватнаъ учв мюгькам ишри. Гъит, варидари Иса Месигьдилантина Аллагьдин ад бадали жафа зигри! Гьадгъаз ибшри аьсрариан-аьсрариз ад ва кьудрат, амин!

Матта 6:9

Гьаддиз гьамци ккарагай: «Я аьршариъ айи ич Адаш! Яв ччвур гирами ибшри.

Насигьятар 25:27

Ужу дар йиччвухьди фун абцӀуб, вая жвуван тяриф апӀуз гъитуб.

Югьан 11:4

Гьаддикан аьгъю дубхьну, Исайи кӀуру: – Му иццрушин аьжалихьна дар, думу Аллагьдин ад бадали ва гьаддилантина Аллагьдин Бали Чан адлувал улупбан бадали, вуйиб ву.

Югьан 8:54

Исайи жаваб туву: – Эгер Узу Йиз ад апӀураш, Йиз ад фукӀара дар. Хъа Узу Йиз Адашди адлу апӀура – учву ичв Аллагь вуйич КӀурайири.

Югьан 12:43

Адмийирин тярифар дурариз Аллагьдин адлувалтӀан зина вуйи.

Югьандин-1 2:29

Эгер учвуз Думу дугъри вуйиб аьгъяш, учвуз гьацира аьгъячвузки: дугъривалиинди яшамиш шулайидар Аллагьдин веледар вуйибра.