Югьан 7:16 - Гирами Китаб

¹⁶ Исайи гъапи: – Йиз аьгъювалар Йиздар дар, хъа Узу Гьауриндар ву.

Югьан 7:16 ပူးပေါင်းရင်းမြစ်များ

Югьан 14:10

– Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 14:24

Шлиз Узу ккундарш, Йиз гафар уьрхидар. Учвуз ебхьурайи Гаф Йизуб дариз аьхир, хъа Узу гьау Адашдинуб ву.

Югьан 17:14

Узу Яв Гаф дурариз улупунза, гьаддиз му дюнʼяйи дурар даккун гъапӀну, гьаз гъапиш дурар му дюнʼяйиан даруган, Узу му дюнʼяйиан даруганси.

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 3:11

Гьякьлу вуйи гьякь кӀуразавуз: Учу кӀурача Учуз аьгъюбдиан ва шагьидвал апӀурача гъябкъюбдикан. Хъа учву Учу шагьидвал апӀурайибдихъ хъугърадарчва.

Югьан 3:31

Аьршариан Гъафир гьаму дюнʼяйиин алидартӀан зина ву, хъа му дюнʼяйиин алидар гьаму дюнʼяйиндартӀан дар, ва дурар му дюнʼяйин ляхнарикантӀан улхурира шулдар. Аьршариан Гъафир варитӀан заан ву.

Югьан 5:30

Узхьан Йиз хусуси гьюкмиинди фукӀа апӀуз шулдарзухьан. Узу кӀураза Узуз Аллагьдихьан ебхьурайиси ва Йиз суд дишуб ву, фицики Узу Узуз ккуниб апӀурадарза, хъа Узу Гьауриз ккуниб апӀураза.

Югьан 6:44

Узухьна, Узу гьау Адашди гъюз гъидритиш, сарихьанра гъюз хьибдар, хъа гъафир, Узу гъиямат йигъан учв уьмрихьна хътаидиза.

Югьан 8:28

Исайи давам гъапӀу: – Учву Инсаниятдин Бай за гъапӀиган, гьадмуган аьгъю хьибдичвуз, Узу Гьарганур вуйиб, ва Узу Йиз Узлан фукӀара дарапӀруб: Узу анжагъ Адашди улупуб кӀураза.

Югьандин-2 1:9

Месигьдин аьгъювалар чӀюргъруриз ва дурар тамам дарапӀруриз Аллагь аьгъдар. Хъа Месигьдин аьгъювалар тамам апӀруриз Адашра, Байра аьгъя.

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.