Югьан 6:2 - Гирами Китаб

² Исайихъди гизаф халкьра гъюри гъахьну, гьаз гъапиш дурариз Дугъу аьзарлуйириз гъапӀу аьламатар дяркънайи.

Югьан 6:2 ပူးပေါင်းရင်းမြစ်များ

Матта 12:15

Хъа Исайиз мидкан аьгъю шулу ва дишла удучӀвну гъягъюру. Дугъан кьяляхъди гизафдар гъягъюру, ва Дугъу иццурайидар вари сагъ апӀуру.

Матта 13:2

Дугълан гизаф халкь илтӀибшнийи, ва гьаддиз Думу люткейиъ эънийи, хъа халкь гьюлин гъирагъдихъ гъубзнийи.

Матта 14:14

Люткейиан удучӀву Исайиз аьхючӀвеъ халкь уч духьнади рябкъюру ва, дурарин язухъ дубхьну, Дугъу уьзрар кайидар сагъ апӀуру.

Матта 8:1

Иса дагъдилан улдучӀвиган, Дугъан кьяляхъди аьхючӀвеъ халкь гъюри гъахьну.

Марк 1:45

Хъа дугъу, душну, гьеле чаз макӀан гъапнушра, варишвариъ чаин улубкьуб ктибтуру, гьаддиз Исайихьан сарун ашкарди шагьриз гъюз шули гъабхьундайи, Думу адмийир адрушвариъ гъузуйи. Гьадушваризра кмиди Дугъахьна варишвариан гъюйи.

Марк 6:33

Гьаци вушра гизафдариз дурар люткейиъди гъягъюри рякъюру, фужар вуш, аьгъю шулу, ва гьюлин гъирагъ вуйибси вари шагьриан адмийир хъергру ва вакилартӀан ухди гъюру.

Югьан 11:47

Жугьдарин аьхюну маллйирна фарисйир чпин собрандиз уч гъаши: – Ухьу гьапӀну ккунду? – кӀуйи дурари. – Му касди гизаф аьламатар улупура.

Югьан 12:18

гьаддиз халкьди Иса гьамци тебрик апӀури къаршуламиш гъапӀнийи, гьаз гъапиш варидариз гьадму аьламат улупур Думу вуйибдикан деебхьнайи.

Югьан 12:37

Дугъу дурарин улихь гьамкьан аьламатар гъапӀнушра, аммаки дурар, дидизра дилигди, Дугъахъ хъугъдайи.

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Югьан 2:23

Иса Ерусалимдиъ Пасхайин машквраъ айи вахтна, Дугъу улупу аьламатар дяркъну, гизафдар Дугъахъ хъугънийи.

Югьан 20:30

Исайи дурарин улихь гьаму китабдиъ дидикӀну адру хъана гизаф аьламатарра улупну.

Югьан 3:2

Йишвну Исайихьна дуфну, дугъу кӀуру: – Мялим! Учуз уву Аллагьдихьан дуфнайи Мялим вуйиб аьгъячуз, фицики Уву апӀрусдар аьламатар, эгер Аллагь Увухъди хътайиш, сарихьанра апӀуз даршлийи.

Югьан 6:14

Исайи гъапӀу му аьламат гъябкъиган, адмийири пуз хъюгъю: – Му Кас якьинди дюнʼяйиз дуфну ккуни Гьадму Пайгъамбар ву! –

Югьан 6:22

Хъайигъан гьюлин тлихъан гъирагъдихъ гъузу халкьдин гьюлин гъирагъдихъ саб люткетӀан хътарди хьуб ва дидиъра ученикар эъну гъушуб, хъа Иса, кӀуруш, дидиъ эдреуб кӀваин шулу.

Югьан 6:26

Исайи дурарин суалназ кӀуру: – Гьякьлу вуйи гьякь кӀуразачвуз: Йиз аьламатнан лишнарин учву гъавриъ а кӀури, Узу агурадарчва, хъа Узу туву уьли учву тухъ апӀбаз лигну агурачва!

Югьан 6:30

– Уву Дугъу Гьаур вуш, учу Увухъ хъугъбан бадали, Уву учуз фициб аьламат улупидива? – гьерхру дурари. – Уву гьапӀдива?