Югьан 5:3 - Гирами Китаб

³ Гьадму хьубиб дегьлизарра ацӀну фалиж кайидар ва майифдар ади шуйи. Дурар, фила шид ккибикьуз хъюгъруш, гьаддиз ккилигури шуйи.

Югьан 5:3 ပူးပေါင်းရင်းမြစ်များ

Паччагьлугъар-3 13:4

Заанурин инсанди Бет-Элин гъурбан апӀрушваз чӀигъниинди гъапиб деебхьну, Яравам паччагьди гъурбан апӀрушвхьан хил гьадабгънийи ва гъапнийи: – Гьатму дисай! Амма думу хил гъеебццнийи, ва дугъхьан думу рибшвуз гъабхьундайи.

Насигьятар 8:34

Хушбахтавар ву узухъ хъпехъурайир, йиз урчӀарихъ йишв ва йигъ адапӀурайир, йиз раккнарилан ул алдадабгърайир.

Матта 15:30

Дугъахьна ликудар, дярябкърайидар, чӀал дибиснайидар ва гизаф жара уьзрар кайидарра хъади аьхючӀвеъ халкь уч шулу. Уьзурлуйир Дугъан багахь дитру, Дугъу дурар сагъ апӀуру.

Матта 4:24

Дугъан ад вари Сирия вилаят вуйиси абхънийи, Исайихьна гьар жюрейин уьзрар кайидар хуз хъюгъру: жинар кайидар, гьарза шлудар, паралич кайидар, – ва Дугъу дурар сагъ апӀуйи.

Лука 7:22

Гьаддиз Исайи дурариз жаваб вуди кӀуру: – Душну Ягьʼяйиз, учвуз гъяркъдар ва гъеерхьдар кидитай: кур вуйидариз рябкъюра, ликудар лицура, хамран уьзур кайидарин хам марцц шула, кар вуйидариз ебхьура, гъачӀидар чӀиви шула ва касибариз Ужувлан хабар рабгъура.

Югьан 5:2

Ерусалимдиъ Марччарин латар кӀурушвахь, жугьуд чӀалниинди «Вифезда» (Рягьимлувалин хал) кӀуру саб кахъру гьямам хьайи. Дидихьна элеркнайи гъвандин мурхьлар ккудукьнайи хьуб дегьлиз гъюрайи.

Югьан 5:4

Фицики Аллагьдин малайикди бязи вахтари, гъюри, шид ккибикьуйи ва, шид ккибикьхъан сифте вуди фуж учӀвиш, гьадму, чак фициб уьзур кашра, сагъ шули гъахьну.

Рим агьларихьна вуйи кагъаз 8:25

Ухьу ухьуз адрубдик миж кади гъузрахьа ва сабурлуди дидиз ккилигурахьа.

Якьубдин 5:7

Гьаци вуйиган, сабур апӀинай, гъардшар, Агъа кьяляхъ гъюру йигъ хьайизкьан! Лигай, нежбер фукьан сабурлуди ккилигури шулуш, дубзнайи жили багьа бегьер хайиз фици думу чвлин ва хьадукран мархьариз ккилигури шулуш.