Югьан 3:2 - Гирами Китаб

² Йишвну Исайихьна дуфну, дугъу кӀуру: – Мялим! Учуз уву Аллагьдихьан дуфнайи Мялим вуйиб аьгъячуз, фицики Уву апӀрусдар аьламатар, эгер Аллагь Увухъди хътайиш, сарихьанра апӀуз даршлийи.

Югьан 3:2 ပူးပေါင်းရင်းမြစ်များ

Паччагьлугъар-3 17:24

Дишагьлийи Илʼяс пайгъамбриз гъапнийи: – Гьамус узуз уву Заанурин инсан вуйиб ва уву гъапи РАББИЙИН гаф гьякь вуйиб аьгъязуз.

Матта 22:16

ва Дугъахьна, Гьироддин терефкрарра хъади, чпин ученикар гьаъру. Дурари Исайиз кӀуру: – Я Мялим! Учуз Уву гьякьлу кас вуйивал ва инсанар Аллагьдин дугъри рякъюъ тӀаърайивал аьгъячуз. Уву инсандин машназ, яна гъуллугъназ лигурдарва.

Матта 23:7

Ва базар-майднариин чпи тебрик апӀури ва адмийири чпиз «Мялим! Мялим!» кӀури, дих апӀури ккунидар ву.

Матта 23:8

Хъа учвуз гъит мялимар дарипри, фицики гьякь Мялим сар ву, хъа учву вари гъардшар вучва.

Марк 12:14

Дурари дуфну кӀуру: – Мялим, учуз аьгъячуз Уву гьякь кӀурайиб, гьич сарихьанра гучӀдарвуз, гьич саризра гучӀар ккаурдарва, хъа дишди ва ачухъди Аллагьди кӀурайиси яшамиш хьуз аьгъювалар улупурава. Йип гьеле, Рим паччагьдиз налук туврувал дюз вуйин, дарш дарин? Учу налук туврин, дарш тувурдарин?

Югьан 1:38

Иса кьяляхъинди илтӀикӀуру ва, дурар дяркъну, гьерхру: – Фу ккундучвуз? – Я Рабби! (Му илтӀибкӀиган «Мялим» кӀуру гаф ву.) Уву наан яшамиш шулава? – пну гьерхру дурари Исайихьан.

Югьан 10:38

Хъа эгер Узу дурар апӀураш, учвхьан Узухъ хътругъуз шулчвухьан, саки Йиз ляхнарихъкьан хъугъай! Гьадмуган, учвуз аьгъю хьибдичвуз ва: Узуъ – Йиз Адаш, хъа Узу – Дугъаъ айибдин гъавриъ хьидичва.

Югьан 12:37

Дугъу дурарин улихь гьамкьан аьламатар гъапӀнушра, аммаки дурар, дидизра дилигди, Дугъахъ хъугъдайи.

Югьан 14:10

– Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 15:24

Эгер сарихьанра апӀуз даршлу ляхнар Узу гъапӀундайиш, гьадмуган дурар тахсиркрар хьидайи. Хъа гьамус дурариз Узу гъапӀдар вари гъяркъну, ва гьаци вушра дурариз Узура, Йиз Адашра даккунди ву.

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Югьан 20:16

– Марʼям! – кӀуру Исайи. Марʼям илдицуру. – Раввуни! (Жугьуд чӀалниинди: «Мялим»), – пну, чӀигъ апӀуру Марʼямди.

Югьан 3:26

ва дурари Ягьʼяйихьна дуфну гьерхру: – Мялим, кӀваинди иминуз, увухъди Ярдан нирин тмуну гъирагъдихъ гьуркьу, уву Чакан ктибту Гьадму Кас? Магьа, Дугъу адмийир штуан апӀура ва Дугъахьна вари гъюра!

Югьан 4:31

Хъа му вахтна ученикари Исайикан: – Я Мялим, фукӀа ипӀина, – кӀури, тӀалаб апӀурайи.

Югьан 5:36

Амма Узуз, Йиз гьякьнаан Ягьʼяйи гъапивалтӀан хъанара мюгькам шагьидвал азуз, фицики, Адашди Узуз апӀин дупну, Узу апӀурайи ляхнари, Узу Адашди гьаур вуйиб тасдикь апӀура.

Югьан 6:2

Исайихъди гизаф халкьра гъюри гъахьну, гьаз гъапиш дурариз Дугъу аьзарлуйириз гъапӀу аьламатар дяркънайи.

Югьан 7:31

Халкьдикан гизафдар Дугъахъ хъугънийи ва дурари кӀуйи: «Месигь гъафиган, Дугъхьан Гьаму КасдихьантӀан артухъ аьламатар улупуз шулинхъа?»

Югьан 9:16

– Думу Адми Аллагьдихьан хьуз мумкин дар, гьаз гъапиш Дугъу султ йигъандин аьдат уьбхюрадар, – кӀури, гьадмуган аьрз гъапӀу фарисйирикан садари. – Гунагькар касдихьан мицдар аьламатар апӀуз шулинхъа? – кӀуйи тмундари. Ва гьамци, фарисйирин арайиъ гьюжат абхъру.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Ляхнар 2:22

Эй Израилин агьалйир! Гьаму йиз гафарихъ хъебехъай: Назаретдиан вуйи Исайихь Аллагьдин гьюкум хьайи. Аллагьди Чан гьюкум Гьадгъуантина гъапӀу аьламатнан, аьжайиб ва зурба ляхнариинди улупну. Му учвузра аьгъячвуз, фицики гьадму ляхнар ичв улихь гъашидар ву.

Филипп 1:14

Узу дустагъдиъ итну кӀури, Агъайихъди саб вуйи гизаф гъардшар, саб юкӀв айиганси, уч гъахьну ва хъана ачухъди ва гучӀ ктарди Аллагьдин гафнакан ктибтури гъахьну.