Югьан 21:3 - Гирами Китаб

³ – Узу балугъар дисуз гъяраза, – кӀуру дурариз Симон Петри. – Учура увухъди гъюрча, – кӀуру имбударира. Дурар душну люткейиъ эъру, аммаки думу йишван дурари фукӀара гъибисундайи.

Югьан 21:3 ပူးပေါင်းရင်းမြစ်များ

Лука 5:5

Симонди Исайиз жаваб вуди гъапну: – Я Мялим! Ярхи йишвди чалишмиш духьну, учхьан фукӀа бисуз гъабхьундарчухьан, амма Яв гафназ лигну чул ккипарза.

Югьан 21:4

Хъа аку хьуз хъюбгъиган, гъирагъдихъ Иса дугъужвнайи. Саки му Иса вуйибдин ученикар гъавриъ ахънадайи.

Ляхнар 18:3

Дурари чадрар дирхурайиб, яна Павели чав улихьди апӀури гъаши кеспи апӀурайиб, аьгъю гъабшиган, дурарихъди гъузну, лихуз хъюгъру.

Ляхнар 20:34

Учвуз ужуди аьгъячвуз, йиз ва узухъди хъайидарин игьтияжар гьуркӀуз гьаму йиз хилар кюмек гъахьнийиз.

Коринф-1 3:7

Гьаддиз, фужкӀара гьисабнаъ адар: я кивур, я хъубзур, хъа анжагъ – арайиз адабгъу Аллагь!

Коринф-1 9:6

Ясана учуз ипӀуз уьл гъазанмиш апӀуб узузна ВарнавдизтӀан адабгънадарин?

Фессалоник-1 2:9

Ичв кӀваин илмийичвки, гъардшар, учʼин алахьу гъагъишнар ва ич аман-иман адатӀру жафйир. Учу Аллагьдихьан Ужувлан хабарнакан учвуз ктибтруган, учвʼкан гьич сариинра гъагъ илилипбан бадали, йишв-йигъ лихури гъахьунча.