Югьан 2:12 - Гирами Китаб

¹² Гьамдихъан Иса Кафернагьум шагьриз гъягъюру. Дугъахъди Чан дада, чвйир ва ученикарра хъайи. Дурарин душваъ сякьюдар йигъар шулу.

Югьан 2:12 ပူးပေါင်းရင်းမြစ်များ

Матта 11:23

Хъа увура, Кафернагьум, аьршаризкьан за хьибдиза кӀурайна? Ваъ, гурбагуриъ абхъдиву, фицики учвухь улупу аьламатнан ляхнар Узу Содомдиъ улупнийиш, думу гьамусра сагъ-саламатди гъубздийи.

Матта 12:46

Исайи халкьдиз гьаму гафар кӀури имиди, магьа Исайин дадана чвйир дуфну, Дугъахъди гаф-чӀал апӀуз ккунди, чӀат дугъужвнади шулу.

Матта 4:13

Думу, Назаретдиан удучӀвну, Забулун ва Нафталим кӀуру юрдарин аьтрафариъ айи Галилей гьюлин гъирагъдихъ хъайи Кафернагьумдиъ дергру.

Марк 6:3

Му харатчи уста, Марʼямдин Бай, Якьубдин, Юсуфдин, Ягьудайин ва Симондин чве дарин? Мугъан чйир гьамшваъ, ихь арайиъ, адаринхъа? Гьаци вуйиган, дурариз Исайихъ хъугъуз ккунди адайи.

Югьан 2:2

Сумчриз Исайиз ва Дугъан ученикаризра теклиф вуйи.

Югьан 4:46

Иса хъана Чав шид чяхриз илтӀибкӀу Кана кӀуру Галилей уьлкейин шагьриз гъягъюру. Гьадму вахтна Кафернагьум шагьриъ паччагьдин гьякимдрарикан сар яшамиш шулайи ва дугъан бай яманди иццурайи.

Югьан 6:17

МучӀура шулайи, хъа Иса дурарихьна мегьел гъюри адайи. Дурар, люткейиъ эъну, гьюлин тмуну гъирагъдихъ хъайи Кафернагьумдиз рякъюъ учӀвру.

Коринф-1 9:5

Хъугъру дишагьли учуз швушвди хуз ихтияр адарин дарш? Ва думу хпир, Месигьдин имбуну вакилариси, Агъайин чвйириси вая Кифайиси, жвувахъди гъярушваз гъадагъуз шулдарин дарш?

Галат 1:19

Хъа имбу вакиларикан узуз, Агъайин гъардаш Якьубдилан гъайри, фужкӀара гъяркъюндарзуз.