Югьан 17:4 - Гирами Китаб

⁴ Узуз Уву табшурмиш гъапӀу ляхин тамам дапӀну, Узу Уву жилиин адлу гъапӀунзаву.

Югьан 17:4 ပူးပေါင်းရင်းမြစ်များ

Лука 22:37

КӀуразачвузки, Узʼин гьамци дибикӀнайибра улубкьиди: «къанунсузарикан вуди гьисаб апӀиди». Гьацира Узкан фу дибикӀнаш, дурар вари тамам хьиди, ва магьа аьхирихънара гъюра.

Югьан 12:28

Гьадму арайиъ завариан дих атӀабгуру: – Адлу гъапӀунза ва хъана адлу апӀидиза!

Югьан 14:13

Йиз ччвур дибисну учву ккун гъапӀуб вари Узу тамам апӀидиза, ва Адашди Чан ад Чан Балʼантина улупиди.

Югьан 14:31

Аммаки му дюнʼяйиз аьгъю дубхьну ккунду: Узуз Йиз Адаш ккундайиб. Магьа гьаддиз Дугъу Узуз гъапиб вари тамам апӀураза. Гъудужвай, гъягъюрхьа гьамушвʼан!

Югьан 15:10

Эгер Узу учвуз табшурмиш гъапӀуб учву тамам апӀури гъашиш, Йиз масанвалиъ яшамиш хьидичва. Гьаци Узура гъапӀунза: Узуз Йиз Адашди табшурмиш гъапӀуб Узу тамам гъапӀунза ва Адашдин масанвалиъди яшамиш шулаза.

Югьан 19:28

Исайи, вари ляхнар Гирами китабариъ дидикӀнайиси духьнайиб аьгъяди, кӀуру: – Дахаргназу!

Югьан 19:30

Исайи, сиркейикан дубхъну, кӀуру: – Тамам гъабхьну! Ва, кӀул кибхну, Дугъу рюгь туву (Аллагьдиз).

Югьан 4:34

Исайи дурариз кӀуру: – Йиз хураг Узу Гьаурин ният тамам апӀуб ва Дугъан ляхин ккудубкӀуб вуйиз.

Югьан 5:36

Амма Узуз, Йиз гьякьнаан Ягьʼяйи гъапивалтӀан хъанара мюгькам шагьидвал азуз, фицики, Адашди Узуз апӀин дупну, Узу апӀурайи ляхнари, Узу Адашди гьаур вуйиб тасдикь апӀура.

Югьан 9:3

– Я мугъу, ясана мугъан абйир-бабари гунагь ляхин гъапӀундар, – жаваб туву Исайи. – Мугъан курвал гьаддиз вуки, Аллагьдин кьувват гьаддиинди улупбан бадали.

Ляхнар 20:24

Хъа узу бадали йиз уьмур гьяйиф дарзуз, йиз метлеб узу Агъа Исайихьан кьабул гъапӀу гъуллугъ тамам апӀуб ва жавабдарвалиинди инсанарин улихь Аллагьдихьан вуйи багъишʼваликан Ужувлан хабарнан шагьидвал апӀуб вуйиз.

Тимофейиз-2 4:7

Узу ужуйи женг гъубхунза ва узуз улупнайи вари манзил ккадапӀунза, хъугъувал гъюбхюнза.