Югьан 16:3 - Гирами Китаб

³ Дурари дици гьаддиз апӀидики, гьаз гъапиш дурариз я Узу, я Йиз Адаш аьгъдар.

Югьан 16:3 ပူးပေါင်းရင်းမြစ်များ

Лука 10:22

Йиз Адашди вари тувунзуз. Бай фуж вуш, АдашдизтӀан гъайри саризра аьгъдар, Адаш фуж вуш, БализтӀан гъайри саризра аьгъдар. Ва Бали Адаш шлиз ачмиш гъапӀиш, гьадгъаз аьгъю хьибди.

Югьан 15:21

Амма гьамрар вари учву Йиздар вуйиган апӀиди, гьаз гъапиш дурариз Узу Гьаур аьгъдар.

Югьан 15:23

Шлиз Узу даккунди вуш, гьацириз Йиз Адашра ккундар.

Югьан 17:25

Эй гьякьлу вуйи Йиз Адаш! Дюнʼяйи Уву аьгъю гъапӀундар, Узуз Уву аьгъязуз, хъасин Узу Уву гьауб дурариз аьгъю гъабхьну.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Югьан 8:19

– Хъа Яв Адаш наан аяв? – гьерху дурари. – Учвуз я Узу, я Йиз Адаш аьгъдарчвуз, – гъапи Исайи. – Эгер учвуз Узу аьгъяйиш, Йиз Адашра аьгъю шуйчвуз.

Югьан 8:55

Учвуз Думу гьич саб вахтнара аьгъюр дайчвуз, хъа Узуз Думу аьгъязуз. Эгер Узуз Думу аьгъюр дарзуз, гъапнийиш, Узура учвусир кучӀлях вуди гъахьнухьидийи. Хъа Узуз Думу аьгъязуз ва Узу Дугъан гафниин алза.

Ляхнар 3:17

Амма узуз аьгъязузки, йиз чвйир, му ляхнар ичв аьхюдаризси учвузра аьгъдарди хьувалиан гъапӀдар вуйичв.

Коринф-1 2:8

Думу фагьум гьаму дюнʼяйин гьюкум хилиъ айидарихьан аьгъю апӀуз гъабхьундар, гъабхьнийиш, дурари хачрак аднан Агъа карсидайи.

Фессалоник-2 1:8

Аллагь кьабул дарапӀдариз ва Ихь Агъа Исайикан вуйи Ужувлан хабарназ мютӀюгъ дархьидариз жаза хибди.

Тимофейиз-1 1:13

Мугагьназ Агъайиз люкьнар апӀуйза, хъугърударихъ хъергуйза, вягьшисир вуйза. Аллагьди узлан хил алдабгъну, гьаз гъапиш, узу йиз аьгъдрувалиан ва хътругърувалиан гьаци апӀури гъахьунза.

Югьандин-1 2:23

Шли Бай кьабул апӀурадарш, дугъу Адашра кьабул апӀурадар. Шлиз Бай аьгъяш, дугъаз Адашра аьгъя.

Югьандин-1 3:1

Ихь Адашди ухьуз Чан – Аллагьдин веледар пубʼинди фукьан зурба вуйи масанвал улупнуш, учву фикир апӀинай. Ухьу гьаци хьузра вухьа! Му дюнʼяйиндари ухьу кьабул апӀурадар, гьаз гъапиш дурари Думу кьабул гъапӀундар.

Югьандин-1 4:8

Шлиъ ккунивал адарш, дугъаз Аллагь аьгъдар, фицики Аллагь Учв масанвал ву.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.