Югьан 15:6 - Гирами Китаб

⁶ Хъа фуж Узуъ адарш, дурар, багъдиан гатӀахьну, ерццурайи кюлерси ву; дурар уч апӀиди, цӀигъна гатӀахьиди ва ургиди.

Югьан 15:6 ပူးပေါင်းရင်းမြစ်များ

Паччагьлугъар-2 23:7

Рижун зазук куркӀу гьарсар кас Рукьахъди ясана жидайин маргълихъди яракьламиш шулу; рижун заз гьадушвахь, йишвʼин, цӀа кипну убгуру.

Матта 13:41

Инсаниятдин Бали Чан малайикар гьаъди, дурари Дугъан Паччагьлугъдиъ айи вари гунагькрарна къанунсуз ляхнар апӀурайидар гъядягъну, уч апӀиди

Матта 27:5

Ягьуда, арсар Аллагьдин хулаз гатӀахьну, душну, чав учв ккирхну йикӀуру.

Матта 3:10

Гьарин кьаблихъ магьа екӀв гьязурди хъа: гъяни йимиш туври адру гьарсаб гьар алдабтӀиди ва цӀигъна гатӀабхьиди.

Матта 7:19

Гъяни бегьер дархру гьарсаб гьар алдабтӀну, цӀигъ гъипри шулу.

Югьан 15:2

Узʼин али бегьер дархру гьарсаб кюл Дугъу ктабтӀуру, хъа бегьер хруб, диди хъанара артухъди бегьер хпан бадали, марцц апӀуру.

Жугьдариз 10:27

хъа Суддиз ва Аллагьдин душмнар итӀру гъизгъин цӀиз гукӀунди ккилигуб хьибди.

Петрин-2 2:20

Эгер ихь Агъа ва Уьрхрур – Иса Месигь аьгъю хьувалиинди гьаму дюнʼяйин чиркинваларихьан гьудучӀвнайидар хъана гьадму чиркинвалариъ ахьиш, дурар хъана гьадрарин лукӀʼвалиъ ахьра. Сифте чпин чиркинвалариъ айибтӀан, гьамус хъадахъну ахъуб – хъа яман ляхин ву.

Югьандин-1 2:19

Месигьдиз къаршу вуйи гьадму касар ихь арайиан удучӀвдар вуйи, хъа дугъридан дурар ухьукди кидикьнайидар дайи. Эгер дурар дугъриданра ухьукди кидикьнайидар вуйиш, дурар ихь арайиъ гъуздийи. Аммаки дурар вари гьергну, гьамди дурарин ухьук кидикьну адрувал улупура.

Ачмиш 20:15

Уьмрин китабдик дидикӀну адрудар цӀин дагризди гатӀахьнийи.

Ачмиш 21:8

Хъа гучӀбяхярин, масу туврударин, намуссузарин, йивну йихрударин, кьяппйирин, фалчйирин, идолариз икрам апӀрударин ва вари кучӀляхярин йишв цӀииндина гугутдиинди убгурайи дагар ву. Му кьюбпи аьжал ву».