Югьан 14:3 - Гирами Китаб

³ Узу гъушиган, учвуз йишв гьязур апӀидиза. Узу наан шулуш, учвура гьадушваъ хьпан бадали, Узу хътакидиза ва учву Узухьна гъахидиза.

Югьан 14:3 ပူးပေါင်းရင်းမြစ်များ

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Югьан 14:28

Узу учвуз «гъягъюраза» гъапиб учвуз гъеебхьунчвуз, ва: «Узу учвухьна хътакидиза», гъапнура вуза. Эгер учвуз Узу ккундийиш, Узу Адашдихьна гъярайибдиин учву шад хьидийчва, фицики Йиз Адаш УзутӀан артухъ ву.

Югьан 14:4

Хъа Узу наана гъягъюраш, дина рякъ учвуз аьгъячвуз.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Ляхнар 1:11

Дурари гъапну: «Галилей уьлкейин агьалйир! Завариз лигури, мушвʼин гьаз дийигъначва? Учвуз, Думу фици аьршариз за гъахьнуш, гъяркъюнчвуз. Ва гьадму Иса, учвуз аьршариз за шули гъяркъиганси, кьяляхъра гъиди».

Рим агьларихьна вуйи кагъаз 8:17

Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.

Филипп 1:23

Йиз ниятназ дилигди, гьадму кьюб рякъкан узу саб рякъ ктабгъну ккунду. Узуз, му дюнʼяйиан душну, Месигьдихъди шлу рякъ ктабгъуз ккундузуз, мици гъабхьнийиш, икибаштӀан, лап гизаф ужу вуйи.

Фессалоник-2 1:12

Гьадмуган, учву кюмек духьну, ихь Агъа Исайин ччвур адлу хьибди, хъа ихь Аллагьдин ужувлиинди ва Агъа Иса Месигьдиинди Дугъу учву адлу апӀиди.

Тимофейиз-2 2:12

Эгер аьгь апӀураш, Дугъахъди паччагьвалра апӀидихьа. Эгер ухьу Дугъхьан гьудучӀвиш, Думура ухьхьан гьудучӀвиди.

Жугьдариз 9:28

гьаци Месигьра, гизаф инсанарин гунгьарихъанди, саб ражари гъурбан гъахьну, ва Думу гьамус кьюбпи ражарира, сарун дюнʼяйин гунагь Чаина гъадабгъуз кӀури ваъ, хъа Чаз ккилигурайидар уьбхбан бадали гъиди.

Ачмиш 3:21

Гъалиб гъахьириз Узу Узухъди тахтниин деуз йишв улупидиза, гьаз гъапиш, Узура гъалиб гъахьунза ва Йиз Адашдин гъвалахъ Дугъан тахтниин деунза.