Югьан 10:4 - Гирами Китаб

⁴ Дугъу чандар вари адаъган, думу дурарин улихьди гъягъюру, хъа марччар дугъан кьяляхъди гъюру, гьаз гъапиш дурариз дугъан дих аьгъя.

Югьан 10:4 ပူးပေါင်းရင်းမြစ်များ

Матта 16:24

Хъасин Исайи Чан ученикариз гъапи: – Шлиз Узухъди гъюз ккундуш, думу, чан тямягьяр дирчну, чан хач гъадабгъну, Узухъди гъюри.

Югьан 10:16

Узуз жара марччарра азуз, гьаму марччаринишвʼан дарудар. Узу гьадрара хъади дуфну ккунду, Йиз дихнахъ дурар хъпехъиди, гьадмуган саб лиж хьибди ва сар Габан хьиди!

Югьан 10:27

Йиз марччариз Йиз дих ебхьуру ва Узуз дурар аьгъязуз, дурар Узухъди гъюру.

Югьан 10:3

Гъаравли дугъаз урар арццру. Марччар дугъан дихнахъ хъпехъуру. Дугъу чан марччариз ччвурариинди кӀуру ва чӀатинди адауру.

Югьан 10:5

Жарадарихъди дурар гъягъидар, дурар дугъхьан гьергди, гьаз гъапиш дурариз жарарин дих таниш дар.

Югьан 10:8

Вари Узу гъяйиз гъафидар тӀафлар ва тӀарашчйир вуйи. Саки марччар дурарихъ хъпехъундар.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Югьан 13:15

Узу гъапӀиганси, гьаци учвура апӀбан бадали, Узу учвуз мисал улупунза.

Югьан 18:37

– Гьаци вуйиган, фици-вушра Уву Паччагь вуна? – гьерху гьадмуган Пилатди. – Узу паччагь ву, уву кӀурава. Узу гьаддиз бабкан гъахьунза ва гьаддиз дюнʼяйиз гъафунза: гьякьвал улупбан бадали. Шлиз ккундуш гьякьвал, гьарсариз Йиз дих ебхьура, – гъапи Исайи.

Югьан 3:29

Швушв анжагъ швушв хурайириз ву, хъа дугъахъ хъебехъну, дугъу гъапиб апӀурайир швушв хурайирин дуст ву. Швушв хурайирин дих кубкӀиган, шад шулу: узура гьаци шадвали ацӀназу.

Коринф-1 11:1

Узу Месигьдихъан дубгъурайиганси, учвура узхъан дубгъай.

Эфес 5:1

Аллагьдин ккуни веледарси, Гьадгъаз ухшар йихьай.

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Жугьдариз 6:20

Ари гьадушвазди, Мелхиседекдиз ухшар ади, гьаммишандиз заан Гъуллугъчи духьну, ихь улихьди гъафи Иса учӀвну.

Петрин-1 2:21

Учвуз, учву гьамци хьуз, дих дапӀначвуз, аьхир, гьаз гъапиш Месигь учвхъанди аьзабарикк ккахъну ва Дугъу дурар аьгь гъапӀну. Дугъу учвуз, Чан шилнаъди гъюз, мисал гъибтну.

Петрин-1 4:1

Гьаци вуйиган, беден аьзабарикк ккабхъбиинди Месигьди фици аьзиятар гъизигнуш, учвура гьацдар фикрар гьисабназ гъадагъай. (Гьаз гъапиш, беден аьзабарикк ккабхърури гунгьар апӀуб гъибтру).

Петрин-1 5:3

гьякимари Аллагьди чпин хилиъ ивнайи адмийирин зиин агъавал апӀурайиганси ваъ, хъа вари лижаз мисал вуди гъуллугънаъ шлуганси гъайгъушнаъ йихьай;