Югьан 10:3 - Гирами Китаб

³ Гъаравли дугъаз урар арццру. Марччар дугъан дихнахъ хъпехъуру. Дугъу чан марччариз ччвурариинди кӀуру ва чӀатинди адауру.

Югьан 10:3 ပူးပေါင်းရင်းမြစ်များ

Насигьятар 27:23

Вари яв марччар увуз са-сабди аьгъюди йихь, жвуван сюрйирин гъайгъушнаъ йихь;

Югьан 10:14

Узу ужур Габан вуза: Узуз Йиз марччар аьгъязуз ва Узура Йиз марччариз аьгъя.

Югьан 10:16

Узуз жара марччарра азуз, гьаму марччаринишвʼан дарудар. Узу гьадрара хъади дуфну ккунду, Йиз дихнахъ дурар хъпехъиди, гьадмуган саб лиж хьибди ва сар Габан хьиди!

Югьан 10:4

Дугъу чандар вари адаъган, думу дурарин улихьди гъягъюру, хъа марччар дугъан кьяляхъди гъюру, гьаз гъапиш дурариз дугъан дих аьгъя.

Югьан 10:9

УрчӀар – Узу вуза. Фуж Узʼантина учӀвиш, дюрхну хьиди. Гьацир УрчӀаризди учӀвди ва дилинтина удучӀвиди, гьацириз чаз ипӀруб алишв бихъиди.

Югьан 6:37

Йиз Адашди Узʼина аманат гъапӀу гьарсар кас Узухьна гъиди ва, Узухьна гъафир, Узу гьич затра хътӀурккидарза.

Югьан 6:45

Пайгъамбрарин Гирами китабарик дибикӀна: «Аллагьди дурариз варидариз улупиди». Гьарсар Адашдихъ хъпехъур ва Гьадгъухъан аьгъю гъапӀур Узухьна гъюру.

Рим агьларихьна вуйи кагъаз 8:30

Чав ктагъдариз Дугъу дихра гъапӀну, хъа дих гъапӀдар Чан улихь гьякь гъапӀну, хъа гьякь гъапӀдар адлу гъапӀну.

Коринф-1 16:9

Фицики мушваъ, хъуркьувалиинди гъуллугънаъ хьуз шлуси, йиз улихь яркьуди урчӀар арццна. Душмнарра цӀиб дар.

Филипп 4:3

Узу увканра, йиз дугъри вуйи Сизиг, ккун апӀураза: миннат вуйиз, кюмек апӀин гьадрариз, фицики дурар кьюридра Ужувлан хабар бадали, узухъди, Клементдихъди ва имбу йиз юлдшарихъди (дурарин ччвурар Уьмрин китабдик ка), гъилихну.

Колосс 4:3

Гьацира, Аллагьди учуз Месигьдин сирнакан гаф рабгъбан урчӀар арццбан бадали, учхъанди ккарагай. Гьадму сир ктибтруган, узу зунжрариъ аза.

Тимофейиз-2 2:19

Хъа Аллагьди ккивнайи бин мюгькамди дийибгъна, ижмиб ву. Дидʼин гьамци кӀури, лишан алабсна: «Аллагьдиз Чандар аьгъя». Ва хъана: «Гьарсари, Агъайин ччвур бисрури, гьич чӀуруб дарапӀри!»

Петрин-1 1:12

Пайгъамбрариз чпи чпин – ваъ, хъа – ичв гъайгъушин бадали гъилихуваликан ачмиш гъабхьнийи. Дурари аьршариан гьаънайи Гирами Рюгьну дебкку Ужувлан хабарнакан хабар дебккнийи – гьаму ражари рабгъурайи Ужувлан хабар. Гьаму сир аьгъю апӀуз ккунди, гьеле аьршарин малайикарра кмиди тямягьну йихура.

Югьандин-1 4:6

Хъа ухьу Аллагьдиндар вухьа ва шлиз Аллагь аьгъяш, думу ухьухъ хъпехъуру. Хъа фуж Аллагьдинур дарш, ухьухъ хъпехъидар. Магьа гьамци ухьхьан гьякьвал хру Рюгь кучӀлин рюгьнахьан жара апӀуз шулу.

Югьандин-3 1:14

Багарихьди уву машна-машди рякъюр кӀури умуд кайиз, ва гьадмуган гафар апӀидихьа.

Ачмиш 20:15

Уьмрин китабдик дидикӀну адрудар цӀин дагризди гатӀахьнийи.

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.

Ачмиш 7:17

гьаз гъапиш тахтниин али Ччилу дурар уьрхиди, ва уьмур хру штун булагъарихъна гъахиди. Аллагьди дурарин уларилан гьарсаб нивгънан цӀадал марцц апӀиди».