Югьан 10:1 - Гирами Китаб

¹ – Гьякьлу вуйи гьякь кӀуразачвуз: фуж марччаринишваъ урчӀариан дарди, фици-вуш жараси учӀвруш, думу тӀафал ва тӀарашчи ву.

Югьан 10:1 ပူးပေါင်းရင်းမြစ်များ

Матта 7:15

Кьюб маш гъяйи пайгъамбрихьан ихтият йихьай. Учвухьна дурар марччлин гъидикь алди гъюра, айтӀан кӀуруш дурар вягьши жанаврар ву.

Югьан 10:7

Исайи давам апӀуру: – Гьякьлу вуйи гьякь кӀуразачвуз: марччариз урчӀар – Узу вуза.

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Рим агьларихьна вуйи кагъаз 10:15

Хъа фици Дугъкан ктибтиди, ктибтрур гьадраиш? Гирами китабариъ дибикӀнайиси: «Фукьан гюрчег дарин Ужувлан хабар рабгърударин ликар!»

Рим агьларихьна вуйи кагъаз 16:18

Гьаци апӀру касар ихь Агъа Месигьдин гъуллугънаъ айидар дар, хъа чпин тямягьяр гьуркӀбахъ хъайидар ву. Дурари чпин уччву улхбарииндина тярифариинди бицӀи юкӀвар айи касар алдатмиш апӀура.

Титдиз 1:11

Дурари кӀулди хизанар пуч апӀури хъюгъру; чпин ужуз хайирнахъди, аьгъю дубхьну ккуниб улулупди, фукӀа дару каламарихъан хъчӀихури шлуган, дурарин ушвниъ итӀибшвури ккунду.

Жугьдариз 5:4

Мициб гъуллугънаъ учӀвуб адмийихьан чахьан бисуз шлуб дар. Дугъаз, чан вахтна Гьарундиз дих гъапӀганси, Аллагьди дих дапӀну ккунду.

Петрин-1 1:10

Гьаму уьрхюваликан чпин вахтари гьеле пайгъамбрари чпихьан удукьрубкьан ужуйи ахтармишʼвалар гъахури гъахьнийи, ва улихьмиди Аллагьдин гъянивалиан учвуз тувнайи багъишдикан гъапнийи.

Петрин-2 2:1

Мидлан савайи, халкьдин арайиъ кучӀлин пайгъамбрар ачмиш гъахьиганси, ичв арайиъра кучӀлин мялимар ачмиш хьидивучв. Дурарихьан аьжалихъна гъахру чпин кучӀлин каламар арайиз адагъуз хьиди. Дурари чпи азадвал бадали кадагънайи Гьюкумдар (Агъа) тина апӀиди. Дурар, Агъа кьабул дарапӀбиинди, багарихьди чпи тӀанкь апӀувалихъна гъиди.

Петрин-2 2:3

Дурар ацӀру касар дар. Дурар чпин иблис ва аьмалдар каламариинди учвлантина гизаф девлетлу хьиди. Аммаки, дурариз ухдитӀан жаза гьадабтӀну гьязурди а, диди кьан апӀидар, ва дурарин аьжал даабхнадар!

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.