1 Сифте Гаф айи, Гаф Аллагьдихь хьайи, Гаф Аллагь вуйи.
Сифте Заанури завна жил арайиз хуру.
«Магьа, шурак БицӀир киршди, Бай апӀиди ва Дугъʼин Эммануил, яна „Ухьухъди Аллагь хъа“, кӀуру ччвур иливиди».
ва, гьаммишан Аллагьдин ад за апӀури, Аллагьдин хулаъ гъузру.
Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.
Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.
Думу сифте Аллагьдихь хьайи.
Узу му дюнʼяйиз Адашдихьан гъафунза ва гьамус, дюнʼя дипну, Дугъахьна хътакураза.
Ва гьамус, дюнʼя ккебгъайиз улихьна, Узу Увухъди хъайиган, Узуз фици ад айиш, гьациб адниинди Узу адлу апӀин, эй Адаш.
– Йиз Агъа ва йиз Аллагь! – гьарайниинди гъапи Фомайи.
Исайи жаваб туву: – Гьякьлу вуйи гьякь кӀуразачвуз: Ибрагьим хьайиз Узу Айир ва Вуйир вуза.
Гьамрар ву ихь зурба абйирин наслар. Гьамрар ву варибдин зиин Аллагь вуйи, аьсрариан аьсрариз ужувлакк ккайи Месигьдин жилин хизан. Амин!
Вари халкь гъапӀу Аллагьди сифте бинайиан жиниди уьбхюрайи гьадму ляхнин гьякьнаан варидариз аьгъювалар арццру багъиш тувназуз.
Думу учв Аллагь вушра, Аллагьдихъди сабси, Аллагьдихъан хъичӀихну гъузундар.
Гьадгъу дярякърайи Аллагь рякъюри ачмиш гъапӀунхьуз. Думу Сарпир ву. Думу арайиз гъабхи варибдин Зииналир ву.
Думу фукӀа-мукӀа хьайиз Айир ву. Гьадгъаъ варибдин сабвал ва къайда гъабхьну.
Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.
Диди ихь умудар тамам шлу хушбахтавар Йигъ гъяйиз ккилигури гъузуз улупурахьуз. Думу Йигъ Чан аднаъди зурба вуйи Аллагь ва ухьу Уьрхрур – Иса Месигь гъюру Йигъ хьибди.
Иса Месигь накьра, гъира, гьаммишанра зат дигиш шлур дар.
Дугъан адашдикан я дадайикан, дугъан ата-бабйирикан, я дугъан уьмур фици ккебгънуш ва ккудубкӀнуш мялум дар, хъа думу Аллагьдин Бализ ухшарди гьаммишандиз Аллагьдин гъуллугъчиди гъузра.
ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.
Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.
Гьаз гъапиш, дидин шубур шагьид а:
Диди гъапи: «Вари увуз рябкъюрайиб кагъзик бикӀ ва Эфесдиъ, Смирнайиъ, Пергамдиъ, Фиатирайиъ, Сардисдиъ, Филаделфияйиъ ва Лаодикияйиъ айи ургбиб жямяаьтариз хъадапӀ».
Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.
Югьанди чаз гъябкъюб вари: Аллагьдин Гаф ва Иса Месигьдин шагьидвал – тасдикь апӀура.
«Узу вуза, – кӀура Агъа Аллагьди, – Эвелра, Аьхирра гьарган Айирра, Гъахьирра, Гъюрурра ва вари хилиъ Дибиснайирра».
Дугъʼин ифдик кипнайи валжагъ алийи. Дугъан ччвур: «Аллагьдин Гаф» вуйи.
Смирнайин хъугънайидарин малайикдиз бикӀ: «Гьамци кӀура Сарпири ва КкудукӀрури, ГъачӀири ва хъана яшамиш Шулайири:
Дугъу гъапизуз: «Тамам гъабхьну! Узу – Альфа ва Омега, Эвел ва Аьхир вуза. Гъах духьнайириз уьмрин булагъдиккан Узу чӀанади шид убхъуз гъитдиза.
Узу вуза Альфа ва Омега, Сарпир ва КкудубкӀрур, Эвел ва Аьхир».
Лаодикияйин хъугънайидарин малайикдиз бикӀ: «Гьамци кӀура Амин ччвур алири, Дугъри ва Гьякь Шагьидди, Аллагьди халкь гъапӀу варибдин Аьхюри:
