Якьубдин 5:9 - Гирами Китаб

⁹ Гъардшар, Аллагьди учвуз жаза гьададабтӀуз, чиб-чпилан мулханай. Лигай, Судья гьамустӀанра урчӀарихъ дийигъна!

Якьубдин 5:9 ပူးပေါင်းရင်းမြစ်များ

Эвел 4:7

Эгер уву гьякьлуди апӀури гъашиш, уву кьабул дарапӀди гъузур кӀурана? Эгер уву гьякьлуди апӀури даршиш, яв урчӀарихъ увуз гуннагь ккепӀна. Увухьна дидин яман тямягь хьибди, аммаки уву дидʼин агъавал дапӀну ккунду.

Матта 24:33

Гьаци учвузра, гьамрар вари гъяркъган, гьадму вахт, ичв раккнихъ хъайиси, багахь дубхьнайивал аьгъю йибхьай.

Марк 13:29

Гьаци учвузра, гьамрар гъяркъган, гьадму вахт, ичв раккнихъ хъайиси, багахь дубхьнайивал аьгъю апӀинай.

Марк 6:19

Гьамци гъапну кӀури, Иродиадайи Ягьʼяйиин хъял иливнийи ва дугъаз думу йикӀуз ккун гъабхьнийи, амма шуладайи,

Коринф-1 10:11

Гьамрар вари, гъюз ккимбуб улупури, гьадмуган дурарихъди гъахьнийи, хъа му ухьуз, дарс вуди, дибикӀна.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Коринф-2 9:7

Гъит гьар касди, гьяйифсузди ва гужа-гуж дарди, чан кӀваъ айибкьан туври, гьаз гъапиш Аллагьдиз шадди туврур ккунду.

Галат 5:14

Гьаз гъапиш, мушваъ вари Къанун гьаму саб гафнаъ а: «Яв багахь хьайир, увуз увуси, ккун апӀин».

Галат 5:26

Гьаддиз, фурс кубчӀвуз гъузидархьа, чиб-чпик хъял капӀидархьа, чиб-чпʼин бахил шули хьидархьа!

Якьубдин 4:11

Сар-сариз чӀуру гафар мапӀанай, гъардшар. Шли чан гъардшиз чӀуру гафар апӀуруш ва тахсир кипруш, дугъу Къанундиз къаршуди кӀура ва Къанун тахсир апӀура. Хъа уву гьамци Къанундик тахсир кипраш, уву Къанундиъ улупнайиб тамам апӀрур дарва, хъа – судьявал апӀурава.

Якьубдин 4:12

Аммаки, Къанун Туврур ва судьявал АпӀрур сартӀан адар, уьрхюз Шлур, ясана терг АпӀрур. Хъа уву гьацир фуж вува, яв багахь хьайирин суд апӀуз?

Якьубдин 5:10

Гъардшар, сабур апӀбаъ ва мюгькамвалиъ Аллагьдин ччвурнахъан гъапи пайгъамбрарихъан мисал гъадабгъай.

Якьубдин 5:7

Гьаци вуйиган, сабур апӀинай, гъардшар, Агъа кьяляхъ гъюру йигъ хьайизкьан! Лигай, нежбер фукьан сабурлуди ккилигури шулуш, дубзнайи жили багьа бегьер хайиз фици думу чвлин ва хьадукран мархьариз ккилигури шулуш.

Петрин-1 4:5

Аммаки дурар багарихьди чӀивидаринна гъийихдарин суд апӀуз Гъюрурин улихь чпи гъапибдинна гъапӀубдин жаваб тувуз мажбур хьиди.

Петрин-1 4:9

Мурмрар дарапӀди, хялар кьабул апӀури йихьай.

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.