Якьубдин 5:6 - Гирами Китаб

⁶ Учву тахсир ктрудар тахсиркрар апӀуйчва ва йивну йихуйчва, хъа дурар учвуз гъаршу гъудужвдайи.

Якьубдин 5:6 ပူးပေါင်းရင်းမြစ်များ

Матта 21:38

Амма тӀумутӀчйири, эйсийин бай гъяркъиган, чиб-чпин арайиъ кӀуру: «Му эйсийин ирсчи ву; гъачай думу йивну йикӀухьа ва дугъан ирс ухьуз гъибтдихьа».

Матта 27:20

Хъа маллйирина аьхюдари халкь, Варава ккадаъну, Иса пуч апӀуб ккун апӀинай, кӀури, алауру.

Матта 5:39

Хъа Узу кӀуразачвузки: писвализ писвал мапӀан. Яв арччул гарцӀликкан бачӀ ккадатуриз тмунубра ккив.

Ляхнар 22:14

Хъа дугъу узуз гъапизузки: «Ихь абйирин Аллагьди Чан ният увуз аьгъю хьпан бадали, Гьякьлур рякъбан бадали ва Дугъан мелзналан дих ебхьбан бадали уву кадагъна.

Ляхнар 7:52

Ичв абйири пайгъамбрарикан фуж утӀурккундар? Дурари Гьякьлур гъюваликан улихьмиди хабар гъапӀу пайгъамбрарра гъийихну, гьамус гьадму Гьякьлур учву масу тувну гъакӀунчва!

Ляхнар 8:32

Дугъу Гирами китабариан гьамцдар гафар урхурайи: – Думу убккуз гъабхурайи марччси вуйи ва ултӀубкъурайи марччлихънин улихь сессуз агълижиси Дугъу Чан ушв абццундайи.

Жугьдариз 10:38

Йиз улихь гьякь вуйир чан хъугъувалиинди яшамиш хьиди, хъа дицир Узухъ хъугънайивалихьан гьудучӀвиш, Узу дугъкан рази хьидарза».

Якьубдин 2:6

Хъа учву касибар гьясбикк апӀурадарчва! Девлетлуйир даринхъа учвлан гъидикь алдабхъурайидар. Учву судариз хъчӀюхюрайидар гьадрар даринхъа?

Якьубдин 4:2

Учвуз фу-вуш ккундучвуз, хъа думу шуладарчвуз, гьаддиз чиб-чпигъ гъярхьну йихурачва. Учву гужназ хъюгърачва, хъа фукӀара шуладарчвухьан, ва гьаддиз, гьюжатар апӀурачва ва гъярхьрачва. Учвуз ккуниб шуладарчвуз, гьаз гъапиш Аллагьдикан ккун апӀурадарчва.

Петрин-1 4:18

«Эгер гьякь вуйирихьан саб нуфтдитӀан жвув уьрхюз шулдарш, хъа фу шул кацӀнайидарикан ва гунагькрарикан?»