Якьубдин 4:8 - Гирами Китаб

⁸ Аллагьдихьна багахь йихьай – Аллагьра учвухьна багахь хьиди. Хилар жикӀай, гунагькрар, юкӀвар марцц апӀинай, кью-кьюб юкӀв айи адмийир!

Якьубдин 4:8 ပူးပေါင်းရင်းမြစ်များ

Эвел 18:23

Ибрагьим Дугъаз лап багахь улучӀву ва гъапи: – Уву гуннагькрарихъди гьякьлударра тӀанкь апӀидивахъа?

Матта 12:33

Учву гьарра ва дидин йимишра гъяниб ву йипай, ясана гьарра ва дидин йимишра чӀуруб ву йипай; гьар йимишдиз лигну аьгъю шулу.

Матта 15:2

– Яв ученикари ихь абйирин аьдатар гьаз кӀули гъахурадар? Дурари, уьл ипӀруган, хилар жикӀурадар!

Матта 27:24

ФтикӀа кюмек дарапӀрайиб ва халкьдик гъалабулугъ кабхърайиб дябкъну, Пилатди, шид хуз гъитну, чан хилар дижикӀну, кӀуру: – Узу Му марцци Касдин ифи удубзбан тахсиркар дарза, учвуз ккуниси апӀинай.

Ляхнар 15:9

Дугъу, хъугъувалиинди дурарин юкӀвар марцц дапӀну, ихьна дурарин арайиъ саб фаркьвалла гъибтундар.

Коринф-2 7:1

Гьаци вуйиган, йиз ккунидар, гъачай, ухьуз ужувлар хьуз гьамциб гаф тувнайиган, ихь беденна рюгь чиркин апӀру варибдихьан марцц дапӀну, Аллагьдин улихь аьхю гукӀнивал ади, гирамиди яшамиш хьуз улихь гъягъидихьа.

Тимофейиз-1 2:8

Гьаци вуйиган жилари, хъял ва гьюжатар гъитну, гьарсаб йишвахь ккарагури, марцци хилар заргури ккундузуз.

Жугьдариз 10:22

Гьаци вуйиган гъачай Дугъахьна, гьубкӀу хъугъувалиинди, ифи кибчбиинди юкӀвар чӀуру нефснахьан марцц ва ихь жанар марцци штуʼан дапӀну, ачухъ юкӀвар ади гъюхьа.

Жугьдариз 7:19

Къанунди фукӀара гьубкӀуб арайиз гъабхиб адар. ДумутӀан ужуб умуд тувна. Диди ухьу Аллагьдихьна багахь апӀура.

Якьубдин 1:8

Шаклу вуйири кьюбдикан фикир апӀури шулу, думу чан ляхнариъ ижмир шулдар.

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Петрин-1 3:21

Думу шид, цӀийи хьуз, штуан хьувалин лишан ву. Думу лишан гъира кмиди учву уьбхюрайиб ву. Штуан хьувал – му ичв жандилан чиркшин алдапӀувал дар, хъа ичв марцци кӀвахьан Аллагьдиз тувнайи гаф ву, Иса Месигь чӀиви хьубʼинди учву уьрхюрайи.

Югьандин-1 3:3

Ва шли чан миж Гьадгъак кивраш, дугъу, марцци Месигьдиз ухшар вуди, чан уьмурра марцц апӀура.

Паччагьлугъар-1 14:35

Хъа Саули РАББИЙИЗ гъурбан апӀрушв тикмиш гъапӀнийи. Дугъу тикмиш гъапӀу РАББИЙИЗ гъурбан апӀрушварикан думу сабпиб вуйи.