Якьубдин 4:4 - Гирами Китаб

⁴ Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.

Якьубдин 4:4 ပူးပေါင်းရင်းမြစ်များ

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.

Матта 12:39

Хъа Исайи дурариз жаваб вуди гъапи: – Хътругъру ва аьрбатан гьамусдин адмийири аьламатнан лишнар улупуб ккун апӀура, хъа дурариз, Юнус пайгъамбрин кӀулʼина гъафи аьламатналан гъайри, жара аьламат рябкъидар.

Матта 16:4

Хътругъру ва аьрбатан гьамусдин адмийири аьламатнан лишнар улупуб ккун апӀура, хъа дурариз, Юнус пайгъамбрин кӀулʼина гъафи аьламатналан гъайри, жара аьламат рябкъидар. Гьамци дупну, Иса дурарихьан гьудучӀвну гъягъюру.

Матта 6:24

Сарихьанра кьюр агъайиз сабси гъуллугъ апӀуз шулдар, фицики дугъаз санур даккун, хъа тмунур ккун хьиди; вая сариз ужуди гъуллугъ апӀиди, хъа тмунуриз – чӀуруди. Аллагьдизра, девлетназра сатӀиди гъуллугъ апӀуз хьибдарчвухьан.

Лука 19:27

Хъа узу чпин паччагь духьну даккни, йиз душмнар гьамина аькъинай ва йиз улихь урччвай.

Югьан 15:19

Учву му дюнʼяйиндар вуди ккундийи, диди учву чандарси ккун апӀидийи. Хъа учву му дюнʼяйиндар даруган, гьаддиз учву дюнʼяйиз даккунди ву (яна, Узу учву кадагъну му дюнʼяйихьан жара гъапӀунзачву).

Югьан 17:14

Узу Яв Гаф дурариз улупунза, гьаддиз му дюнʼяйи дурар даккун гъапӀну, гьаз гъапиш дурар му дюнʼяйиан даруган, Узу му дюнʼяйиан даруганси.

Югьан 7:7

Му дюнʼяйихьан учву даккун апӀуз хьибдар, хъа Узу даккунди ву, фицики Узу дидин вари ляхнар писдар, гунагьвалиндар ву, кӀураза.

Рим агьларихьна вуйи кагъаз 5:10

Фицики, гьеле ухьу Аллагьдин душмнарди имиди, Дугъу ухьу Чан Балин аьжалниинди албагнуш, хъа гьамус албагну айиган, хъана ужуйи Чан Балин уьмриланмина Дугъу ухьу уьрхиди.

Рим агьларихьна вуйи кагъаз 8:7

Гьаз мици ву? Гьаз гъапиш бедендин тямягьарикан вуйи фикрар Аллагьдиз душмнар ву. Дурар Аллагьдин Къанундиз табигъ шулдар, я табигъ хьузра шулдар.

Коринф-1 1:20

Наши аьяндар? Наши Кьанундин аьлим? Наши гьаму аьсрарин дирбаш гьюжаткар? Аллагьди гьаму дюнʼяйин вари аьяндарвал, дугъридан ахмакьвал ву, кӀури, улупнадарин дарш?

Коринф-1 1:21

Аллагьдин зурба фагьми дебккганси, гьаму дюнʼяйин фагьмихьан Аллагь аьгъю апӀуз дархьиган, Хабарну дебккрайи «ахмакьвалихъ» хъугъдар уьрхюз Аллагьдиз ккун гъабхьну.

Галат 1:10

Узуз гьапӀуз ккунди а: адмийири йиз тереф бисуз гъитуз, даршиш – Аллагьди? Хъа узу, адмийириз ккуниб апӀуз хъюгънайир вуйинхъа? Эгер узу адмийириз ккуниб апӀурайир вуйиш, узу Месигьдин лукӀ хьидайза.

Якьубдин 1:27

Аллагьдизна Аьршарин Адашдиз ккуни чиркин дару марцци дугъривал – касибвалиъ айи ачӀни хпаризна йитимариз кюмек апӀувал ва жвув гьаму дюнʼяйин чиркинвалариккан уьрхювал ву.