Якьубдин 2:8 - Гирами Китаб

⁸ Эгер учву дугъриданра, Гирами китабариъ улупнайи: «Багахь хьайир жвуваз жвувси ккун апӀин» кӀуру паччагьвалин закондиъ айиси апӀураш, учву дюзди апӀурачва.

Якьубдин 2:8 ပူးပေါင်းရင်းမြစ်များ

Паччагьлугъар-3 8:18

Амма РАББИЙИ йиз адаш Давуддиз гъапнийи: «Уву Йиз Ччвурнахъ вуйи Хал тикмиш апӀуз фикир гъапӀунва, дициб фикир апӀувал ужуб гъапӀунва.

Паччагьлугъар-4 7:9

Хъасин дурари сари сарикна гъапнийи: – Ухьу дюз апӀурадархьа. Гъи ужудар хабрарин йигъ ву, хъа ухьу дурар ухьухь гъитрахьа. Ухьу ахсрар ккивайиз ккилигиш, ихь тахсир хьибди. Гьамусяаьт гъягъидихьа ва му ляхникан паччагьдин гъалайиъ хабар тувдихьа.

Юнус 4:4

Ва гъапну РАББИЙИ: – Хъа увуз гьаз хъял гъафунвуз?

Юнус 4:9

Ва Аллагьди Юнусдиз гъапну: – Хъа увуз гьадму набатат гъеебццну кӀури, хъял гъафнийвуз? Дугъу жаваб тувну: – ЙикӀузкьан!

Матта 22:39

Кьюбпибра гьаддиз барабар ву: «Яв багахь хьайир жвуваз жвувси ккун апӀин».

Матта 25:21

Агъайи дугъаз кӀуру: – Аферин увуз, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхнар табшурмиш апӀидизавуз; яв агъайин мяракайиз дуфну, дугъахъди шадвал апӀин.

Матта 25:23

Агъайи дугъаз кӀуру: – Увузра аферин, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхин табшурмиш апӀидизавуз; йиз мяракайиз дуфну, узухъди йиз шадвал пай апӀин.

Матта 7:12

Инсанар учвухъди фици духьну учвуз ккундуш, учвура дурарихъди гьаци йихьай. Фицики Къанундин ва Пайгъамбрарин Китабарин мяна гьамдиъ а.

Рим агьларихьна вуйи кагъаз 13:10

Масанвали багахь хьайириз писвал хурдар. Гьаддиз масанвал Къанун тамам гъапӀу гьисаб ву.

Галат 5:14

Гьаз гъапиш, мушваъ вари Къанун гьаму саб гафнаъ а: «Яв багахь хьайир, увуз увуси, ккун апӀин».

Галат 6:2

Гьардиз чаин алиб апӀуз кюмек апӀури гъузай, гьаци учву Месигьдин закон кӀулиз адабгъидичва.

Филипп 4:14

Хъа вушра, узухъди йиз дердер учвура пай апӀуб ужу гъапӀунчва.

Фессалоник-1 4:9

Гъардшарихьна вуйи масанваликан бикӀуб думукьан лазим вуди гьисаб апӀурадарча, фицики Чав, Аллагьди, учву чиб-чпи ккун апӀуз улупунчвуз.

Якьубдин 1:25

Хъа, азадвал хру варитӀан заан вуйи Аллагьдин закон кӀваантӀан аьгъю апӀрур ва кӀваълан гьадрапӀри гьаддихъди чан ляхнар кӀулиз адагърур, чан ляхнариъ бахтлу хьиди.

Якьубдин 2:12

Азадвал тувру Къанундиинди суд апӀурайи адмийинсдар гафар ва ляхнар апӀин.

Якьубдин 2:19

Уву Аллагь сар вуйивалихъ хъугърана? Ужуйи апӀурава! Гьеле жинарра хъугъра ва гукӀунди йихура.

Якьубдин 4:11

Сар-сариз чӀуру гафар мапӀанай, гъардшар. Шли чан гъардшиз чӀуру гафар апӀуруш ва тахсир кипруш, дугъу Къанундиз къаршуди кӀура ва Къанун тахсир апӀура. Хъа уву гьамци Къанундик тахсир кипраш, уву Къанундиъ улупнайиб тамам апӀрур дарва, хъа – судьявал апӀурава.

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.