Якьубдин 2:6 - Гирами Китаб

⁶ Хъа учву касибар гьясбикк апӀурадарчва! Девлетлуйир даринхъа учвлан гъидикь алдабхъурайидар. Учву судариз хъчӀюхюрайидар гьадрар даринхъа?

Якьубдин 2:6 ပူးပေါင်းရင်းမြစ်များ

Насигьятар 14:31

Касибариз илзигрури дурар халкь ГъапӀур беябур апӀура, хъа касибарин гъайгъу зигрури, Думу адлу апӀура.

Насигьятар 17:5

Касибрик кялхърури беябур апӀура думу халкь ГъапӀур, ккутӀурччвидар жазайиккан чӀурубдиин шад шлур.

Насигьятар 18:23

Касибрин гафариъ миннатвал а, девлетлуйин жавабнаъ гъагъивал а.

Насигьятар 22:16

Хайир бадали касиб гъагънакк ккитуб вая девлетлуйиз мутму тувуб – му заралтӀан дар.

Насигьятар 22:7

Девлетлуйи аьхювал апӀура касибариин, буржнакк ккайирра лукӀ ву – чав гъибисурин.

Югьан 8:49

Исайи жаваб туву: – Узу амрихъан душнадарза: Узу Йиз Адашдин гьюрмат уьбхюраза, хъа учву Узу нянайиз хурачва.

Ляхнар 13:50

Хъа жугьдарин маллйири дурариин диндихъ хъайи гьюрматлу дишагьлийир ва шагьрин кӀулиъ айи адмийир алауру. Дурар Павелихъна Варнавдихъ хъергру ва дурар шагьриан утӀурккуру.

Ляхнар 17:6

Дурар душваъ дидрихъди, Ясонна жара гъардшар шагьрин гьякимарихьна гъахуру. Халкьди гьамцдар чӀигъар апӀурайи: – Вари дюнʼяйиъ гъалабулугъ ипнайи гьаму касар гьамус гьаминара дуфна, –

Ляхнар 18:12

Гьадму вахтна Ахая уьлкейин гьякимдар Галлион вуйи. Магьа жугьдар сатӀиди Павелиин алархьуру ва думу суддиз хуру. Дурари гьамци кӀуйи:

Ляхнар 8:3

Хъа Саули, хъугънайидар терг апӀуз ккунди, гьардин хулариъ учӀври, жилар, хпар дисури, дустагъдиъ итуйи.

Коринф-1 11:22

Дици апӀайиз ичв хулариъ ипӀинай ва убхъай, даршиш Аллагьдихъ хъугърударин уч хьувал беябур мапӀанай, ва, дугъриданра, фукӀа ипӀуз адрудар асккан мапӀанай. Гьамус узу, учву гьамци апӀузди, ичв тяриф дапӀну ккундин? ИкибаштӀан, ваъ!

Якьубдин 2:3

Учву багьа палат алириз, артухъ гьюрмат апӀури, гьамци кӀурачва: «Уву гьаму ужударсдар йишварикан гьамунубдиин деъ». Хъа касибдиз кӀурачва: «Гьатушвахьинди гьудучӀв», ясана, «Йиз ликарихъинди деъ».

Якьубдин 5:4

Ичв хутӀлариъ бегьер уч апӀрудариз кьимат тутрувди, учвуз гъибтунчва, дурари Аллагьдиз гьарйир апӀура, ва хутӀлиъ айидарин агьрар Саваоф Агъайин ибарихьна дурукьна. (Саваоф – Аллагьдин ччвурарикан саб, аьршарин кьушмарин аьхюр кӀуру гаф ву).

Якьубдин 5:6

Учву тахсир ктрудар тахсиркрар апӀуйчва ва йивну йихуйчва, хъа дурар учвуз гъаршу гъудужвдайи.