Якьубдин 2:5 - Гирами Китаб

⁵ Хъебехъай, йиз масан вуйи гъардшар! Аллагьди гьаму дюнʼяйин улихь касиб вуйидар кадагънадаринхъа, чпин хъугъувалиъ мюгькам ва, Учв ккунидариз гаф тувнайиси, Чан Паччагьлугъдин ирс рубкьрудар хьпан бадали?

Якьубдин 2:5 ပူးပေါင်းရင်းမြစ်များ

Паччагьлугъар-3 22:28

Михейи гъапнийи: – Эгер уву ягъурлувалиинди кьяляхъ хътаркиш, РАББИЙИ йиз мелзналан дарпиб гьисаб ибшри. Ва дугъу хъана гъапнийи: – Гъит, вари халкьариз гьаму ебхьри!

Насигьятар 13:7

Сари, фукӀа адарди, учв улупуру девлетлуси, хъа жарари, гизаф девлет ади – касибси.

Насигьятар 7:24

Гьаддиз магьа, хъебехъай узухъ, жан веледар, иб хъивай йиз гафарихъ:

Насигьятар 8:32

Хъа гьамус узухъ хъебехъай, жан веледар: хушбахтаврар ву йиз жилгъйирихъан хъичӀихнайидар!

Матта 11:5

кур вуйидариз рябкъюра, ликудар лицура, хамран уьзур кайидарин хам марцц шула, кар вуйидариз ебхьура, гъачӀидар чӀиви шула ва касибариз Ужувлан хабар рабгъура.

Матта 25:34

Гьадмуган Паччагьди Чан арччул терефнаъ айидариз пиди: – Гъачай йиз адашдин ужувлакк ккахьнайидар, дюнʼя ккебгъхъанмина учвуз гьязурди дебккнайи Аьршарин Паччагьлугъ ирсди кьабул апӀинай.

Матта 5:3

– Бахтаврар ву Аллагьдин улихь касиб вуйидар, фицики Аьршарин Паччагьлугъ гьадраринуб ву.

Марк 7:14

Исайи, хъана Чахьна халкьдиз дих дапӀну, кӀуру: – Вари узухъ хъебехъай ва гъаври йихьай.

Лука 12:21

Шли чаз девлетар уч апӀураш, гьадгъаз гьаци хьибди. Думу Аллагьдин улихь девлетлу шулдар.

Лука 12:32

ГучӀ мапӀанай, бицӀи лиж! Фицики ичв Адашди учвуз Чан Паччагьлугъ тувуз ужуб кьаст дапӀна.

Лука 16:22

Касиб гъачӀиган, малайикари думу Ибрагьимдин багахьна гъахуру. Девлетлура йикӀуру, ва думура кивру.

Лука 16:25

Хъа Ибрагьимди дугъаз кӀуру: «Йиз бай! КӀваин апӀинки, сарун увуз яв уьмриъ рубкьру ужʼвал гъурубкьунвуз, хъа Лазариз писвалтӀан фукӀа гъябкъюндар. Гьамус дугъаз мушваъ гешт ккабхъна, хъа уву аьзабнакк ккава.

Лука 22:29

Узуз Йиз Адашди Паччагьвал фици табшурмиш гьапӀнуш, гьаци Узура учвуз Паччагьвал табшурмиш апӀураза.

Лука 6:20

Хъа Дугъу, Чан ученикарилан ул илбицури, гъапи: – Бахтаврар вучва, касиб вуйидар, фицики Аллагьдин Паччагьлугъ учвусдаринуб ву.

Югьан 7:48

Гьюкумдрарикан Дугъахъ гьич фужкӀа хъугънинхъа? Ясана фарисйирикан фужкӀа?

Ляхнар 7:2

Стефанди жаваб тувру: – Хъебехъай, чвйир ва абйир! Ихь аба Ибрагьимдиз, гьеле чав Харрандиъ бин апӀайиз улихьна, яна учв Месопотамияйиъ яшамиш шулайи девриъ, кьудратлу Аллагь ачмиш гъахьну

Рим агьларихьна вуйи кагъаз 8:17

Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.

Коринф-1 2:9

Аммаки Гирами китабариъ дупнайиси гъабхьну: «Аллагьди Чав ккунидариз гьязур дапӀнайиб я инсандин улариз гъябкъюндар, я ибариз гъеебхьундар, я фагьмиз гъафундар».

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.

Коринф-2 6:10

Учу дердерикк ккитри шулу, хъа гьарган шадди вуча. Касибди вуча, хъа гизафдар девлетлу апӀурача. ФукӀа адарчуз, хъа вари хилиъ айич.

Коринф-2 8:9

Ихь Агъа Иса Месигьдин ужʼвал аьгъячвуз. Думу, Учв девлетлу вуйи, хъа Чан касибвалиланзина учву девлетлу хьуз кӀури, касиб гъахьну.

Эфес 1:18

Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Фессалоник-1 2:12

ичв уьмур Чан Паччагьлугъдиз ва аднахьна дих апӀурайи Аллагьдиз лайикьлуб хьпан бадали, учу учвуз дих апӀури гъахьунча, ял апӀури гъахьунча ва насигьятар туври гъахьунча.

Фессалоник-2 1:5

Варибди Аллагьдин Суддин дюзваликан шагьидвал апӀура ва учвура Аллагьдин Паччагьлугъдиз лайикь хьиди, гьадму бадали учву аьзабарра аьгь гъапӀунчва.

Тимофейиз-1 6:18

Дурарикан ужувлар апӀуб ккун апӀин, гъит гъяни ляхнарихьди девлетлу ишри. Кьискьисар даришри ва иштагьниинди имбудариз чпин девлетнакан капӀри.

Тимофейиз-2 4:18

Агъайи узу гьарсаб чӀурубдиккан ккадаиди ва, Чан Аьршарин Паччагьлугъдиз гъахуз кӀури, уьрхиди. Гьадгъаз ибшри ад аьсрариан-аьсрариз! Амин.

Тимофейиз-2 4:8

Гьамус узуз Агъайи, дюзвалин Судьяйи, гьадму Йигъан пешкеш тувди – узу гьякь апӀиди, неинки узу, хъа Думу хъадакну гъюру Йигъаз масанвалиинди ккилигурайи гьарсар гьякь апӀиди.

Жугьдариз 11:26

Дугъаз, чаз фициб пешкеш ккилибгураш, гъябкънийи, гьаддиз Месигь бадали учв аскан апӀуб Египетдин вари девлетартӀан багьади гъабхьнийи.

Якьубдин 1:12

Читинвалариъ ахърур хушбахтавар ву. Читинвалариан Аллагь ккунди удучӀвуриз, Аллагьдихьан, Чав Гаф тувнайиси, гьаргандин уьмрин таж рубкьиди.

Якьубдин 1:16

Йиз масан гъардшар, учву учвуз кучӀлар апӀрубси мапӀанай.

Якьубдин 1:19

Йиз масан гъардшар, гьаммишан гафар апӀузтӀан – кӀурубдихъ хъпехъуз гьяракатнаъ йихьай ва хъял кубчӀвуз гьялак махьанай,

Якьубдин 1:9

Касибвалиъ айи гъардаш Аллагьдин улихь учв заан вуйивалиин фурслуди ккунду.

Петрин-1 1:4

Гьамдиинди ухьук, я аьжалихьан, я камиваларихьан, я вахтнахьан чӀур апӀуз даршлу, чӀиви миж кивунхьук. Ихь миж кайи «девлет» ухьуз аьршариъ уьбхюра.

Петрин-2 1:11

Гьадмуган учвуз ихь Агъа ва Уьрхрур Иса Месигьдин гьаммишандиз вуйи Паччагьлугъдиъ учӀвуз ихтияр жумартлуди багъиш дапӀну хьибди, аьхир.

Ачмиш 2:9

Узуз яв аьзабарикан ва касибваликан аьгъязуз, хъа уву девлетлу вува! Аьгъязуз уву беябур апӀурайи, жугьдар вуча, кӀурайидариканра, хъа дугъридан дурар иблисдин мярака ву.

Ачмиш 21:7

Гъалиб гъахьириз Узхьан гьаму вари ирсди рубкьиди. Гьацириз Узу Аллагь хьидиза, хъа думу Узуз бай хьиди.

Ачмиш 3:18

Узу увуз саб насигьят тувраза: уву девлетлу хьуз, Узхьан цӀиъ марцц гъапӀу гъизил ва яв гъяцӀливалин нач ккебкуз алабхьру лизи палат гъадабгъ. Гьацира увуз уларикан ктатуз ва рябкъюри хьуз ччимра гъадабгъ.

Паччагьлугъар-1 2:30

Гьамци кӀура Израилин Заанури, РАББИЙИ: «Узу гаф тувнийза, яв хизан ва яв тухум Йиз машнан улихь гьарган яшамиш хьиди, кӀури. Хъа гьамусдихъантина дици хьибдар!» – кӀура РАББИЙИ. «Узу Йиз гьюрмат уьбхрудар заан апӀидиза, хъа Узу гьясппикк ккадрудар асккан апӀидиза.

Паччагьлугъар-1 2:8

Касибриз – биширугдиан, гъилицнациз уршвлилан за хьуз гъитур ва дитур дурар абурлуйирихъди, гьацира гьюрматлуйихъди саб йишвʼин. РАББИЙИН гьюкмиъ а мурхьлар, чибʼин Дугъу жил гъудубкьдар.